domingo, 8 de noviembre de 2026
Nota de prensa remitida por el Gabinete de Comunicación de la Xunta de Galicia:
O presidente do Goberno galego, Alberto Núñez Feijóo, destacou o esforzo dos emprendedores galegos para ser máis competitivos, mellorar a imaxe corporativa e abrir novas portas de mercado; en definitiva aseverou-, de ser conscientes de que superar a crise nada ten que ver con soportar como se poida o paso do tempo ata a recuperación, senón con adaptarse a unha nova realidade. A clave non consistía en resistir, en aguantar; senón en reaccionar e reformar.
Durante o xantar-coloquio do Foro Empresa Pontevedra, Feijóo afirmou que, grazas a esta mentalidade, Galicia pode presentarse como unha sociedade que non se resignou fronte a recesión económica, que tomou decisións para saír adiante, e que o está conseguindo. E, nesta liña, salientou o feito de que Galicia foi unha das primeiras comunidades que fixeron un diagnóstico certeiro da situación económica que vivía España; que a sociedade galega acompañase ese diagnóstico e que esa nova mentalidade estea instalada na inmensa maioría do tecido produtivo galego.
Así mesmo, referiuse á taxa de exportacións e o crecemento do PIB e da afiliación social; cifras, segundo aseverou, produto do esforzo da sociedade. Cando dicimos que confiamos en que o PIB de Galicia crecerá un 2% neste 2015 é porque ese crecemento é posible porque a economía creceu en 2014 un 0,5%. Galicia foi o pasado mes de marzo a terceira comunidade na que máis caeu o paro, crecendo a afiliación á Seguridade social en 17.000 persoas máis. E, en 2013 e 2014 as exportacións tiveron un récord histórico, precisou.
Durante a súa intervención, o presidente do Goberno galego fixo fincapé en que o principal peso da recuperación recaeu sobre a sociedade; homes e mulleres fundadores e xestores de proxectos que demostran que se se cre nun país e no seu tecido produtivo, ese país é capaz de medrar e de resistir as profundas recesións económicas. E, destacou a necesidade de seguir por ese mesmo camiño, empregando ferramentas como a Lei do Emprendedor; programas como o Interconecta, na busca dunha maior innovación; ou a Oficina Doing Business, unha fiestra aberta ao emprendedor, que permite medir de forma permanente o índice de facilidades que se lle dá a calquera persoa que queira abrir un negocio.
Feijóo salientou, tamén, a necesidade de continuar polo camiño da internacionalización, a panca para seguir medrando. E, resaltou a importancia de dedicar todos os esforzos a seguir transformando Galicia nun lugar atractivo para a actividade empresarial; un lugar no que se sabe exactamente cantos requisitos has de cumprir antes de abrir un negocio, e que estes sexan tan sinxelos como sexa posible; un lugar cunha planificación económica a medio e a longo prazo; un lugar no que un provedor da administración sabe que lle vai pagar as facturas; e un lugar que garante o control do déficit e controla o crecemento da débeda, concluíu.
Fotografía: http://www.encepontevedra.com
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
