sábado, 7 de noviembre de 2026
Nota de prensa del Gabinete de Comunicación del PPdeG:
O secretario xeral do PPdeG, Alfonso Rueda, anunciou que os populares presentan en Santiago o domingo 26 de abril, o seu programa autonómico marco. Nas súas verbas, trátase dun documento pensado para gobernar nos 314 concellos galegos.
O secretario xeral, que estaba acompañado polo coordinador do Programa e voceiro do Grupo Parlamentario Popular, Pedro Puy, apuntou que só o Partido Popular de Galicia concorrerá ás municipais na totalidade dos concellos galegos. Para el trátase dun síntoma do traballo desenvolvido e da coherencia desta opción política que ten ante sí unha nova oportunidade de seguir gobernando na maioría dos concellos.
Así indicou que as formacións que botan a culpa de non poder presentar lista ao PPdeG, en lugar de á súa propia debilidade, é probable que no futuro sigan sin telas.
No tocante á campaña electoral, Rueda comunicou que a presencia do presidente do PPdeG, Alberto Núñez Feijóo, está garantida nas sete grandes cidades e en moitas das vilas galegas. Do mesmo xeito, anunciou que o presidente nacional do partido, Mariano Rajoy, vai ter presencia na campaña galega nunha data por confirmar. Indicou tamén que a presenza de membros do Goberno central estará condicionada polas súas axendas nunhas datas, nas que ademáis de municipais en boa parte do país hai tamén eleccións autonómicas.
Rueda infomou de que o PPdeG desenvolverá un traballo, como cómpre nunhas municipais, moi a pé de rúa e de contacto intenso cos veciños. Así, resaltou a importancia de explicar todo aquelo que fixemos onde nos tocou gobernar, que foi en moitos sitios, e explicar, onde fomos oposición, por que cremos que é bo o cambio e beneficioso un goberno popular.
En resposta ás preguntas dos xornalistas, Rueda afirmou, unha vez formalizadas todas as candidaturas, ser consciente de que con respecto a 2011 a situación mudou. E nese sentido indicou que, ante este novo panorama, teñen que estar preocupados aqueles partidos que que hai tempo perden votos en función da subida doutros que antes non existían.
No tocante ao PPdeG, afirmou que os cambios no escenario político non mudan o noso plantexamento de traballar para seguir sendo a forza máis votada e remarcou que non renunciamos a gobernar ningún concello.
Así mesmo afirmou que se sendo a forza máis votada fose necesario completar algunha maioría para acadar unha maioría máis estable non temos ningún inconveniente sempre que haxa os plantexamentos obxectivos e coincidencias programáticas.
Con respecto ás deputacións provinciais indicou que a intención é que o Partido Popular de Galicia goberne as catro.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
