sábado, 7 de noviembre de 2026
Nota de prensa del Gabinete de Comunicación del PSdeG:
O deputado socialista Francisco Caamaño anunciou a súa renuncia ao escano e a reincorporación á cátedra de dereito constitucional en Valencia. Caamaño ofreceu unha rolda de prensa para para facer pública a súa retirada agora para cumprir co prazo de tres meses necesarios antes da incorporación á vida académica.
O responsable socialista confirmou a súa decisión de continuar sendo militante activo do PSOE para desenvolver, defender e impulsar as políticas de esquerda en Galicia e levar a voz de Galicia onde queira que estea.
Francisco Caamaño trasladou públicamente a súa gratitude ao secretario xeral do PSdeG-PSOE, José Ramón Gómez Besteiro, e a toda a executiva galega, ademais de aos traballadores e membros da Cámara, especialmente aos compañeiros do Grupo Socialista e nomeadamente ao seu portavoz, José Luis Méndez Romeu. Tamén tivo palabras de agarimo para os socialistas de A Coruña.
Fotografía: PSdeG
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
