domingo, 6 de julio de 2025
Nota de prensa remitida por Voltar á Terra:
A Galería Sargadelos acolleu a presentación da plataforma Voltar á Terra, impulsada un grupo de galegas e galegos arredor do mundo tras artellar un grupo de traballo que apoiado pola Coordinadora Nacional Galega de Emigrantes Galegos Retornados e a Asociación de Emigrantes Retornados Marusía culminou na creación da plataforma Voltar á Terra, coma explicou Manolo Do Val, pai de moza emigrada e coordinador da iniciativa.
Despois da proxección dun vídeo feito por galegas de todo o mundo lendo o manifesto que se fixo público, Do Val lembrou en tres de cada catro fogares galegos hai alguén emigrado, amais 200.000 persoas abandonaron Galiza dende o 2007, a suma da poboación das cidades de Ferrol e Lugo, dando un novo pulo a sangría emigrante que nunca deixamos de padecer.
Pola súa banda, Natalia Cabana, que emigra cara Inglaterra o vindeiro martes, explicou que Voltar á Terra nace coa vontade de xerar conciencia entre as persoas que viven na Galiza e as que que tiveron que emigrar, esixindo entre todas cambios políticos que nos permitan vivir dignamente no noso País e emigrar cando queiramos, e non cando nos vexamos obrigadas a facelo Esta mesma situación vivírona varias décadas atrás Xosé Lois Leirós e Manuel Domínguez, voceiros dos emigrantes retornados, que chamaron a fornecer ferramentas propias coma a plataforma para rachar o círculo de dependencia que nos forza a emigrar.
Tamén quixo dar o seu apoio Guillerme Ignacio, membro de Quempallou, quen explicou o que supón a emigración desde a perspectiva do familiar e amigo, e interpretou unha cantiga de Cotobade dirixida ás que tiñan que marchar a buscarse a vida fóra Coma sinalaron, o primeiro paso da iniciativa e a recollida de apoios individuais e de distintas entidades por medio de https://voltaraterragalega.wordpress.com, e xunto as galegas na terra e na emigración que queiran colaborar e unirse a iniciativa, facer valer os nosos dereitos diante de institucións que terían que representarnos e non forzarnos a marchar.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
