miércoles, 22 de abril de 2026
Nota de prensa del Gabinete de Comunicación de AGE:
Alternativa Galega de Esquerda (AGE) esixe que o novo tren entre A Coruña e Vigo non conta con todas as medidas de seguridade preceptivas. Así o denuncian os deputados Antón Sánchez e Juan Fajardo nunha proposición non de lei pnl- rexistrada esta mañá no Parlamento de Galicia e na que solicitan da Xunta que demande do Goberno central que o Eixo Atlántico, no seu tramo A Coruña Vigo, se poña en funcionamento coas medidas de seguridade oportunas.
Parece que a traxedia de Angrois non serviu para aprender, explican os parlamentarios na exposición de motivos da iniciativa, e unha vez máis os calendarios partidistas electorais antepóñense á seguridade das persoas. O presunto tren de velocidade alta iniciará a súa actividade sen o sistema de seguridade coñecido como Ertms, cuxa licitación cun ano de prazo- publica hoxe o Boletín Oficial do Estado. Repetir decisións posibelmente ilícitas que tiveron un enorme custo humano, engaden, non parece un modo de exercer o poder racional, senón unha mostra do pouco que importa a cidadanía, apenas interesados en empregar recursos públicos de xeito propagandístico sen importar as consecuencias.
As mentiras do Partido Popular quedan ao descuberto cunha rápida ollada á hemeroteca. O 4 de outubro de 2013, o secretario de Estado de Infraestruturas aseguraba que o tramo en servizo de velocidade alta entre Santiago e A Coruña tería Ertms a finais de 2014. A realidade é teimuda e hoxe podemos observar como, amais de non garantir a seguridade do tramo, utilizouse a mentira, conclúen, todo polo accidente de Angrois. Anos despois esquecen compromisos e volven poñer en risco a seguridade das persoas.
Precisamente no pleno parlamentario da vindeira semana, Alternativa Galega de Esquerda (AGE) volverá someter a votación dos grupos a constitución dunha comisión de investigación sobre o accidente de Angrois. Vólvese falar de tren de alta velocidade nun tramo que non conta con medidas de seguridade, expuxo Antón Sánchez esta mañá na rolda de prensa posterior á xunta de portavoces da Cámara. O Partido Popular xa anunciou que votará en contra.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
