jueves, 30 de abril de 2026
Nota de prensa remitida por el Gabinete de Comunicación de la Xunta de Galicia:
A Consellería de Cultura, Educación e Ordenación Universitaria porá en escena no Museo Centro Gaiás unha orixinal versión do Romeo e Xulieta de William Shakespeare interpretada pola Real Filharmonía de Galicia e monicreques de gran formato. Deste xeito, a Cidade da Cultura adiántase á celebración do Día Internacional da Danza ofrecendo o sábado 25 de abril unha novidosa versión dunha das traxedias máis coñecidas e admiradas de todos os tempos, Romeo e Xulieta, a través do ballet composto polo ruso Sergei Prokofiev.
A escenografía contará coa propia Real Filharmonía de Galicia, que interpretará quince pezas da música descritiva do ballet de Prokofiev mentres os monicreques se moven sobre o escenario, dándonos a cada momento a tensión dramática das escenas. Estamos ante unha obra moi visual onde a principal protagonista é a música e na que orquestra, actores e monicreques se interrelacionan ata formar unha unidade narrativa.
Romeo e Xulieta está pensado para todos os públicos a partir de 9 anos e terá lugar o 25 de abril a partir das 19 horas no Museo Centro Gaiás.
As entradas xa están á venda no Punto On da Cidade da Cultura e en www.ataquilla.com a un prezo de 5 euros máis gastos de xestión (6 euros en billeteira o día do espectáculo). Para este espectáculo, a Cidade da Cultura conta con varias promocións que só poderán mercarse no Punto On ou a través do teléfono de Ataquilla 902 504 500: a entrada familiar (catro entradas por 15 euros) e o bono 3x2 (tres entradas por 10 euros).
Fotografía: Gabinete de Comunicación de la Xunta de Galicia
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
