jueves, 30 de abril de 2026
Nota de prensa remitida por el Gabinete de Comunicación de la Xunta de Galicia:
As Feiras do Libro de Galicia 2015 inician o mes de abril un percorrido polas catro provincias galegas que as levará ata o mes de agosto por Pontevedra, Ferrol, Santiago de Compostela, Lugo, Ourense, Vigo, Ribeira, A Coruña, Viveiro, Foz e Monforte de Lemos.
Baixo o lema A historia en letras, en alusión ao historiador e escritor Xosé Filgueira Valverde, homenaxeado este ano coas Letras Galegas, a Federación de Librarías de Galicia e Consellería de Cultura, Educación e Ordenación Universitaria promoven estes espazos de encontro anuais da cidadanía cos libros e lectura, cos autores e autoras, cos libreiros e libreiras, e, en xeral, coa cultura. Así o afirmou o secretario xeral de Cultura, Anxo Lorenzo, na rolda de prensa de presentación do novo calendario das feiras, na que tamén se deron a coñecer as principais citas internacionais nas que estarán presentes o libro e a literatura galegas co apoio da Xunta de Galicia.
Acompañado pola presidenta e o vicepresidente da federación, Pilar Rodríguez e Xosé Antón Pedreira, e mais pola presidenta da Asociación Galega de Editores, Laura Rodríguez, o secretario xeral anunciou que a primeira das citas terá lugar en Pontevedra do 14 ao 19 de abril. Nese mesmo mes, entre o 22 e o día 26, as feiras do libro chegarán á cidade de Ferrol. O 1 de maio será a quenda de Santiago de Compostela, onde permanecerán ata o día 10. A próxima parada será tamén no mes das letras, do día 12 ao 17 en Lugo. A continuación, as feiras chegarán a Ourense, do 2 ao 7 de xuño.
Xa no verán, a primeira cita será a da cidade de Vigo, do 3 ao 12 de xullo, para despois continuar nese mesmo mes por Ribeira, do 16 ao 19, e mais por Rianxo, do 23 ao 26. No mes de agosto regresará a feira do libro da Coruña, que se celebrará do día 1 ao 10. A continuación, a provincia lucense acollerá as tres últimas citas deste ano, nos concellos de Viveiro, do 13 ao 16; de Foz, do 20 ao 23; e, finalmente, de Monforte de Lemos, onde terá lugar do día 26 ao 29.
O calendario de 2015 mantén o número das 12 feiras do pasado ano, coa diferenza de que, este ano, en lugar de Ribadeo, será o concello de Ribeira o que acolla unha das citas.
O calendario de feiras complétase coas de libro antigo e de ocasión, que se celebrarán do 16 ao 31 de maio na capital de Galicia, do 13 ao 28 de xuño en Pontevedra, do 4 ao 19 de xullo en Lugo, do 25 de xullo ao 9 de agosto en Vigo, do 15 ao 30 de agosto na Coruña e, finalmente, do 5 ao 20 de setembro en Ourense.
As novidades editoriais volverán saír á rúa como cada ano entre os meses de abril e de agosto, acompañadas, segundo explicou o secretario xeral, dunha completa programación de diversas actividades para todos os públicos, entre a que se inclúen presentacións de obras, concertos, sesións de contacontos, obradoiros, etc.
A este obxectivo contribuirán tamén as entidades culturais locais que, como cada ano, participan activamente na programación das feiras, así como as bibliotecas de xestión autonómica, que sairán das súas instalacións para se unir á festa do libro cun espazo propio onde lles acercar os seus servizos a grandes e pequenos.
Ademais de favorecer o comercio do libro na comunidade, desde a Xunta de Galicia apostamos por impulsar a proxección exterior do sector editorial coa participación nas principais feiras internacionais do libro. Concretamente, a Xunta de Galicia manterá a presenza do libro galego na Feira Internacional do Libro Infantil e Xuvenil deBoloña, do 30 de marzo ao 2 de abril; e nas feiras internacionais do libro de Buenos Aires, do 23 de abril ao 11 de maio; de Frankfurt, do 14 ao 18 de outubro; e de Guadalaxara (México), do 28 de novembro ao 6 de decembro.
O sector editorial galego estará presente a través da visibilización das novidades editoriais das súas empresas, así como da participación de recoñecidos escritores e escritoras e de profesionais da ilustración coa colaboración da Asociación Galega de Profesionais da Ilustración na programación cultural paralela que se desenvolverá nas feiras.
Fotografía: Gabinete de Comunicación de la Xunta de Galicia
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
