jueves, 30 de abril de 2026
Nota de prensa remitida por el Gabinete de Comunicación de la Xunta de Galicia
O Centro Coreográfico Galego (CCG) participa ao longo de todo o ano nas actividades de difusión que compoñen o proxecto TRC Danza, complementario á programación do Teatro Rosalía Castro da Coruña, composto por unha carteleira de dez espectáculos de sala e por distintas accións de divulgación desta arte cara á cidadanía.
A unidade de produción de danza adscrita á Agadic (Axencia Galega das Industrias Culturais) da Consellería de Cultura, Educación e Ordenación Universitaria apoia deste xeito esta iniciativa, promovida por quinto ano consecutivo polo Concello da Coruña, co obxectivo de achegarlle a danza ao público xeral e a colectivos específicos, en colaboración cos artistas participantes mediante encontros especialmente deseñados con eles máis alá das actuacións desenvolvidas no escenario.
Como punto de partida do ciclo, a directora do CCG, Mercedes Suárez, interveu hoxe xunto aos organizadores na presentación dos contidos e finalidades da denominada Programación Expandida do TRC Danza a medios de comunicación e axentes culturais da cidade, desde xestores de centros e espazos públicos e privados ata responsables de centros de ensino artístico e colectivos socioculturais.
Integran o ciclo de exhibición, no que tamén colabora a Agadic a través da Rede Galega de Teatros e Auditorios, dez funcións de compañías galegas e de fóra de Galicia que se levarán a cabo dentro do programa de abono do Teatro Rosalía a partir da semana que vén e ata principios de decembro. Trátase dos espectáculos: Lowland, de Roser López Espinosa (14 de abril); La Metamorfosis, de Proyecto Titoyaya; Blondys Coffee, de Entremans; Je te haime, de HURyCAN (30 de abril); Control, de Javier Martín (23 de maio); Episodios Temporada 25, de 10&10 Danza (25 de setembro); Todo me dice algo, de Danza Mobile (2 de outubro); Persona, de Spin off Danza (17 de outubro); Flash!, de Dantzaz Kompainia (13 de novembro); e Sazón, de Sólodos o 4 de decembro.
Ademais, no apartado concreto de Programación Expandida, TRC Danza propón dúas temporadas de actividades coincidindo coas datas de presenza da Coruña das compañías convidadas. Así, a primeira desenvolverase entre o 14 de marzo e o 23 de maio; e a segunda, entre o 25 de setembro e o 4 de decembro.
O Centro Coreográfico Galego participará activamente no mes de abril nunha acción formativa que se lle ofrecerá na súa sede aos estudantes de danza e que contará con Loretta DAntuono, Paula Serrano, Verónica García, Jure Gostinar, Itxasai Mediavilla e Xavi Martí, integrantes da compañía valenciana de danza contemporánea Proyecto Titoyaya, que dirixe Gustavo Ramírez.
Fotografía: Gabinete de Comunicación de la Xunta de Galicia
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
