jueves, 30 de abril de 2026
Nota de prensa remitida por el Gabinete de Comunicación de la Xunta de Galicia:
O secretario xeral de Cultura, Anxo Lorenzo, referiuse en Ourense á necesidade de favorecer novas propostas no ámbito do discurso da fotografía contemporánea. Fíxoo no marco da presentación das dúas publicacións que recompilan as obras gañadoras do II Premio Galicia de Fotografía Contemporánea, un certame que viu a luz ao abeiro do Festival Outono Fotográfico, promovido pola Fundación Benito Losada, e que conta co apoio da Consellería de Cultura, Educación e Ordenación Universitaria.
Berto Macei e Jose Romay foron os gañadores desta edición, dotada con 16.000 euros, destinados á produción da exposición temporal itinerante coas obras gañadoras e á súa publicación nos libros que hoxe se presentaron na Galería PhotoArt de Ourense.
Ademais dos gañadores, tamén participaron no acto de presentación o coordinador e o director do premio, Xosé Lois Vázquez e Vítor Nieves, respectivamente; e a xefa territorial en Ourense da Consellería de Cultura e Educación, Mercedes Gallego.
Co obxectivo de situar a Galicia no circuíto internacional da fotografía e de promover nesta disciplina novas creacións na linguaxe contemporánea, o certame, que tamén conta co apoio da Deputación Provincial de Lugo, premia propostas de carácter visual-fotográficas realizadas por parte de autoras e de autores de calquera nacionalidade.
A Secretaría Xeral de Cultura impulsa a difusión e posta en valor da fotografía a través de certames coma este e de diversas iniciativas en colaboración con outras entidades. Esta mesma semana presentábase en Santiago de Compostela unha exposición fotográfica na Fundación Gonzalo Torrente Ballester, con imaxes tomadas polo escritor, realizada co apoio da Consellería de Cultura e Educación.
Tamén no referente á fotografía histórica, o departamento colaborou en 2014 coa mostra de Alvarellos Editora As fotos máis antigas de Galicia, con imaxes do fotógrafo Andrés Cisneros tomadas na capital de Galicia no século XIX.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
