domingo, 8 de noviembre de 2026
Nota de prensa remitida por el Gabinete de Comunicación de la Xunta de Galicia:
O presidente do Goberno galego, Alberto Núñez Feijóo, destacou tras o Consello a aprobación definitiva das Ofertas de Emprego Público correspondentes a este 2015, tanto para a Administración autonómica como para a Educación pública. O que podemos facer realidade con estas ofertas de emprego é o compromiso de multiplicar por catro a oferta pública de emprego do ano 2014, apuntou, despois de que se aumentasen ata o 50% en determinados sectores prioritarios as taxas de reposición nos Orzamentos xerais do Estado para 2015. Nós imos esgotar esa porcentaxe, aseverou.
Máis polo miúdo, e no ámbito da Función Pública, Feijóo destacou que a Administración autonómica saca a oposición 373 prazas, o que supón sete veces máis que o ano 2014. Ademais, destacou que é a maior oferta que fai a Xunta desde o ano 2008.
O responsable do Goberno galego salientou que o obxectivo é reforzar a loita contra a fraude fiscal, os órganos especializados da Administración como as escalas de gardacostas ou de veterinarios- e os servizos sociais, entre outras áreas.
Deste xeito, ofértanse: 239 prazas para os distintos niveis do corpo administrativo (catro prazas de letrados, 14 do corpo superior de finanzas, catro para a Escola Superior de Estatísticos, 4 para a escala de informáticos, 44 para corpos xerais, 10 prazas de escala técnica de finanzas e 29 de corpos xerais, ademais de 50 prazas para o corpo administrativo e 80 para os corpos auxiliares); 102 para a Administración especial (48 prazas na escala de veterinarios, 20 na escala técnica do Servizo de Gardacostas, 17 na escala de profesores de instituto marítimo-pesqueiros, e oito prazas na escala de enxeñeiros de camiños, canles e portos; e as 32 prazas restantes destínanse a cubrir dúas categorías de persoal laboral, as de auxiliar de enfermería e ordenanza.
Do total de postos ofertados nesta OPE, 265 prazas serán de acceso libre e 108 para promoción interna. E, con respecto á reserva de prazas para persoas con algún tipo de discapacidade, Feijóo destacou a aposta por manter a porcentaxe do 7% das vacantes, ao que engadiu que, como novidade, por primeira vez na historia da Autonomía haberá unha reserva de prazas específica do 2% para a discapacidade intelectual.
No eido da Educación pública, o responsable autonómico destacou as 446 prazas para as oposicións a mestres e inspectores. Trátase de 432 prazas para todas as especialidades do corpo de mestres, agás de francés, e outras 14 prazas para o corpo de inspectores de Educación.
A distribución de prazas será: educación infantil 175; lingua estranxeira inglés- 50; educación física 35; música 37; pedagoxía terapéutica 50; audición e linguaxe 55; educación primaria 30, e inspectores 14.
Cumprimos o compromiso de trasladar a incipiente mellora económica ao ámbito do emprego público e por iso utilizamos as capacidades máximas legais para totalizar a oferta pública de emprego da que acabo de falar máis 344 prazas de sanidade o que conforma, como engadiu, unha oferta pública de emprego total de 1.163 prazas para o ano 2015. Por tanto, comezamos a devolver o esforzo que os empregados públicos teñen feito ao longo destos últimos anos, precisou.
Sobre este último aspecto, o titular da Xunta avanzou que en canto se aprobe a Lei do empregado público pagaremos o correspondente á totalidade da paga extra do período devengado con independencia do que ocurra desde o punto de vista dos recursos que hai en toda España sobre ese período.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
