jueves, 26 de junio de 2025
Nota de prensa remitida por el Gabinete de Comunicación de la Xunta de Galicia:
A Consellería de Cultura, Educación e Ordenación Universitaria da Xunta de Galicia inicia a programación de 2015 da Casa da Parra coa obra pictórica do lugués Xoán Guerreiro a través da mostra Elízara, lugar onde non estiven. A pintura figurativa de Guerreiro é a protagonista desta primeira exposición do ano, que foi inaugurada esta tarde polo secretario xeral de Cultura, Anxo Lorenzo, nun acto que contou coa participación do propio artista.
Un total de 44 obras, entre as que se inclúen 38 traballos en óleo de pequeno, mediano e gran formato, dous gravados e catro debuxos en grafito, conforman esta exposición, que amosa o xeito de narrar deste extraordinario mestre da técnica, afirmou o secretario xeral.
O talento e creatividade de Guerreiro están presentes a través das obras que reúne esta exposición e que nos ofrecen a mirada que deita o artista sobre a realidade, sobre o cotián. Unha mirada dixo que abarca a vida, a través da natureza, de obxectos e de lugares baleiros de persoas como Vigo, Esteiro, Rande ou Lugo.
A mostra, coordinada por Margarita Rueda, poderá visitarse ata o vindeiro 5 de abril na Casa da Parra, un lugar emblemático no centro histórico compostelán que medrou arredor da catedral de Santiago e que nos ofrece en cada proxecto unha ventá á creación plástica actual, á produción propia de artistas galegos de vangarda, destacou Anxo Lorenzo.
Ademais de participar en diversas exposicións colectivas, o artista Xoán Guerreiro (Xove, 1956), é autor de numerosas exposicións individuais desde a década dos oitenta, realizadas tanto en galerías e centros culturais de referencia de Galicia, como en espazos expositivos doutras comunidades.
Entre os anos 1992 e 1994 obtivo a bolsa de pintura Valdearte, do concello do Barco de Valdeorras (Ourense). Nesta mesma década, tamén foi seleccionado para participar na Mostra Unión Fenosa e foi recoñecido co premio de pintura Lugonova 90. Entre os seus traballos tamén destacan a ilustración dos libros A fonde da vida longa, Tralas portas do rostro e Ninguén chorou por nós, premio de teatro Rafael Dieste.
Nun momento de auxe das intelixencias artificiais xerativas, 'Castelao. Mirar por Galicia' aposta polo emprego destas tecnoloxías para achegar a nosa historia e a nosa cultura a todo tipo de públicos, aproveitando todo o potencial das novas linguaxes, pero tamén facéndoo dun xeito ético e responsable, sen deixar de lado o necesario traballo de autor. O estudio compostelán Maxina é responsable do deseño conceptual, animación e deseño desta experiencia, baixo a dirección artística de Carlos Seijo, mais son numerosas as empresas galegas que forman parte deste proxecto, entre as que se atopa o Laboratorio Numax, ao cargo do deseño gráfico en sala; a produtora audiovisual Miramemira, responsable dos audiovisuais; MADA producións, que se ocupou da accesibilidade; Daexga, que se encargou do transporte e montaxe, e Vifer, de cuxa autoría é a instalación de gráfica.
Música, territorio e natureza son os eixos fundamentais do Fisterra Experience, unha singular cita musical que regresa esta fin de semana á vila mariñeira de Fisterra co apoio dos Concertos do Xacobeo para celebrar a súa segunda edición os días 27, 28 e 29 de xuño. Fisterra Experience busca achegarse á arte dun modo cercano, ofrecendo experiencias únicas e inspiradoras. O festival explora as posibilidades que ofrecen o territorio e a natureza de Fisterra, desde unha ollada sostible e comunitaria. Entre as bandas e artistas destacados do seu cartel, danse cita nomes como Baiuca, Mondra, Helena Egea, Sabela & The Heartbreakers, A Pedreira e Andhrea & The Blacks Cats, entre moitos outros. Deste modo, o Fisterra Experience renace neste 2025 para ofrecer unha experiencia musical cualitativa que vai da electrónica ao soul, do pop ao jazz e a nova música tradicional, entre outros sons, nunha contorna única.
