miércoles, 12 de agosto de 2026
Nota de prensa del Gabinete de Comunicación del PPdeG:
O secretario xeral do PPdeG, Alfonso Rueda, anunciou a decisión do partido de celebrar unha Convención municipal os día 28 de febreiro e 1 de marzo, en Santiago de Compostela.
Tras a reunión do Comité de campaña dos populares galegos, Rueda avanzou que a intención non é facer un mitin para falar dende o atril senón unhas xornadas de traballo nas que escoitar á militancia e interactuar coas persoas que traballarán arreo polo partido de cara as vindeiras eleccións.
O obxectivo é actualizar idearios e seguir a ser a forza política de referencia en Galicia. Para iso, o dirixente popular avanzou que o partido poderá falar cos seus dirixentes non só en Galicia senón tamén no Goberno de España. De feito, Rueda asegurou que os populares galegos estarán acompañados nesas datas por dirixentes nacionais, se ben deixou para os próximos días a confirmación de que persoas estarán nesa Convención, á espera de cadrar as axendas de todos eles.
Alfonso Rueda recordou que a celebracións das eleccións andaluzas compromete a dispoñibilidade dos dirixentes do partido. De feito, o propio presidente Feijóo podería recibir peticións para participar na campaña doutros territorios.
Fotografía: PPdeG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
