miércoles, 12 de agosto de 2026
Nota de prensa del Gabinete de Comunicación del PPdeG:
O coordinador do programa electoral do PPdeG, Pedro Puy, presentou ferramentas coas que facilitar aos cidadáns que fagan as súas achegas ao texto marco co que o partido presentarase as eleccións municipais.
O tamén voceiro parlamentario presentou unha páxina específica en Facebook que permitirá canalizar esas propostas coas que os cidadáns poderán participar no programa do PPdeG, e que servirá tamén como un foro de debate no que os dirixentes do partido conversarán e interactuarán cos usuarios que queiran acercarse a nós.
Ademais, o partido usará o seu perfil de Twitter para recibir ideas e suxerencias acerca do programa a través dun hashtag específico: #ProgramaPPdeG.
Estas accións en redes sociais complementan as reunións que o equipo redactor ven mantendo con diferentes colectivos por toda Galicia: xa tiveron lugar algunhas charlas con empresarios para atender as súas inquedanzas, e nos próximos días celebraranse outras con asociacións de moteiros, con outras do ámbito do medio ambiente e do benestar e mesmo con Unicef.
Os populares galegos desexan consensuar cos cidadáns o seu ideario de cara a estas eleccións porque serán eles os que se beneficiarán das propostas que implemente o PPdeG dende as administracións locais.
Puy avanzou que os prazos para presentar o programa seguen a estar vencellados á presentación do texto marco nacional que terá que fixar o Partido Popular, si ben si avanzou que o texto galego incidirá en catro ámbitos: o económico, o referido ao benestar, o relativo á eficiencia no gasto público e tamén no que atinxe á dignificación da vida política a través do traballo, do esforzo e da ética.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
