lunes, 27 de abril de 2026
Nota de prensa remitida por el Gabinete de Comunicación de la Xunta de Galicia:
Escenas do cambio, o festival de teatro, danza e arte en acción promovido pola Consellería de Cultura, Educación e Ordenación Universitaria no Gaiás arranca a súa segunda semana ofrecéndolle ao público tres obras por día nas que destaca unha forte presenza de compañías latinoamericanas.
O xoves 12 de febreiro, o programa arranca ás 17 horas coa obra mexicana La máquina de la soledad. Teatro de objetos documental, de Oligor e Microscopía, unha poética homenaxe ao obxecto-carta e ao correo postal. A obra, que terá un pase por día ata o 14 de febreiro, é un espazo de micro-paisaxes e inventarios do ínfimo que recupera correspondencia entre México e España a través dunha arqueoloxía de obxectos, imaxes e anécdotas insólitas investigadas por escribáns, carteiros xubilados, arquivos e traballadores de correos.
Ás 18:30 horas, a arxentina Lola Arias presenta por primeira vez en Europa o seu ciclo de conferencias performativas Mis documentos, onde artistas de distintas disciplinas presentan unha investigación persoal, unha experiencia radical, unha historia que os obsesiona secretamente. Mis documentos é un ciclo cun formato mínimo: o artista en escena cos seus documentos, unha forma de facer visibles esas investigacións que ás veces se perden nunha carpeta sen nome no ordenador.
Para a súa estrea en Europa, Lola Arias convidou a seis artistas, dúas arxentinas e catro galegos, para ser os protagonistas desta indagación persoal. A primeira función Mis Documentos correrá a cargo das arxentinas Sofía Medicci e Tálata Rodríguez. Así, Medicci presentará Traducción simultánea, onde nos ofrecerá, a través de imaxes e vídeos, o proceso de investigación para realizar unha performance e as ideas erradas en relación a súa representación. E Tálata Rodríguez estará con Padre postal, onde reflexiona sobre a relación co seu pai a través do contacto mantido entre 1989 e 2002.
A última das propostas para este xoves será a italiana UNTITLED_I will be there when you die de Alessandro Sciarrioni, unha práctica coreográfica e performativa sobre o paso do tempo que nace dunha reflexión sobre a arte dos malabares. A obra representa o segundo capítulo dun proxecto máis amplo chamado Will you still love me tomorrow?, unha investigación sobre os conceptos de tensión, perseverancia e resistencia.
As entradas para todas as funcións do festival están á venda no Punto On da Cidade da Cultura e www.servinova.com a un prezo de 8 euros, a excepción das función de Mis Documentos, que teñen entrada de balde previa retirada de invitación no mostrador do Museo Centro Gaiás (máximo 2 por persoa).
Escenas do cambio ofrece tamén unha oferta 4x3 (asiste a catro funcións e paga tres) por 24. Esta última opción só está dispoñible a través do teléfono de servinova 902 504 500.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
