martes, 16 de junio de 2026
Nota de prensa del Gabinete de Comunicación del PSdeG:
O portavoz de Economía e Industria do Grupo Socialista, Abel Losada, situou a Feijóo como principal responsable dos catastróficos datos do Índice de Produción Industrial de Galicia. Como se ven de coñecer hoxe, no ano 2014 Galicia descendeu un 4 por cento, o peor dato de tódalas comunidades autónomas, mentres o conxunto de España medra un 1,4 por cento.
O responsable socialista apunta que estes datos confirman as reiteradas denuncias do PSdeG-PSOE sobre unha política industrial baseada na publicidade e propaganda, e rebosante de titulares de prensa pero absolutamente baleira de contido. O último exemplo, dixo, é a estratexia industrial de Galicia presentada onte polo presidente da Xunta.
Losada sinalou que quen reduce os orzamentos en I+D+i de maneira sistemática dende o ano 09, cunha caída do 30 por cento, non pode simultaneamente falar dunha estratexia viable de internacionalización salvo que estea pensando noutro modelo económico baseado na redución drástica de salarios como única vía de competitividade.
Explicou que a política industrial ten que basearse en tres cuestións fundamentais que o goberno de Feijóo ten literalmente esquecidas. En primeiro lugar, sinalou o papel fundamental da demanda, e que supón renda dispoñible para os consumidores e as empresas, que o PP está empeñado en estrangular a través de recortes, desemprego e pensións conxeladas que deixan á xente literalmente sen diñeiro.
En segundo lugar sinalou a falla de financiamento, logo de que como puidemos ver no proceso de fusión e venda das caixas galegas que tiña un erro de base por parte de Feijóo, quen esqueceu o obxectivo de proporcionar crédito a familias e empresas. Finalmente, apuntou que soamente unha aposta decidida pola investigación e a innovación permite á industria competir internacionalmente.
Fotografía: Gabinete de Comunicación del PSdeG
A posta en marcha do Rexistro galego de persoas centenarias, Regace, sitúa Galicia nunha posición de referencia para o estudo da lonxevidade, posibilitando coñecer mellor as claves deste fenómeno e afrontar os retos que presenta. Preto de 1.800 persoas de cen ou máis anos viven na comunidade galega, o que supón ao redor do 12 % de toda a poboación centenaria de España, un dato que fala da realidade demográfica de Galicia e reflicte unha oportunidade única para aprender, investigar e avanzar. Deste xeito, Galicia presenta un dos mellores resultados no que a esperanza de vida se refire: 81,19 anos para os homes e 86,83 para as mulleres, superando en ambos os casos a media estatal.
A mostra a 'Illa ignorada' estará aberta ata o 12 de febreiro de 2027 e toma o seu título do primeiro poemario da escritora Gloria Fortes. Nela cabe destacar os traballos tanto dos artistas galegos Alberto Ardid, Vicente Blanco, Andrea Costas, Caxigueiro, Fina Mantiñán, Juan Carlos Meana, Ariadna Silva, Seoane e María Elena Montero, como os de Abel Azcona, Amparo Garrido, Regina Giménez, Antoni Muntadas, Sonia Navarro, Íñigo Royo, Regina Silveira. Ademais desta nova mostra, o centro tamén inaugurou a ampliación, no dobre espazo do Centro Galego de Arte Contemporánea, da exposición Misha Bies Golas, que abriu ao público o pasado 22 de maio cunha escolma de máis de dúas décadas da creación heteroxénea do lalinense Miguel Calvo Ulloa, un dos fundadores do colectivo Nova Escultura Galega.
