miércoles, 12 de agosto de 2026
Nota de prensa del Gabinete de Comunicación del PSdeG:
O portavoz do Grupo Socialista ven de remitirlle un escrito á Presidencia do Parlamento para reclamarlle información exhaustiva sobre o uso dos vehículos oficiais da Cámara por parte dos membros da Mesa agás os correspondentes á presidenta-.
O responsable socialista reclama a relación concreta da persoa que o utilizou, do día en que o fixo, dos quilómetros realizados, así como da tarefa institucional de carácter representativo ou incidencia que a orixinou. Os socialistas galegos reclaman así que a Presidencia aclare o uso de ditos vehículos polos membros do PP na Mesa para os seus desprazamentos habituais en contra dos acordos do Parlamento.
Por este motivo tamén se dirixen á Mesa do Parlamento con outro escrito para solicitar o carácter interpretativo que o PP estalle dando a un texto que limitaba o uso de coches oficiais en función das tarefas institucionais de carácter representativo ou das incidencias encomendadas.
Os socialistas galegos esixen que a Mesa clarifique o suposto carácter interpretativo da norma en orde a interpretar que en ningún caso se consideren como tarefas institucionais de carácter representativo o acudir aos plenos, comisións ou mesas que celebre a Cámara galega, senón que se entenderán ás actuacións de carácter institucional representativa.
Finalmente, reclaman que se procedan a publicar na páxina web do Parlamento de Galicia as causas que xustifica tal utilización por parte dos membros da Mesa ou dos deputados ou deputadas que utilicen vehículo oficial, excluída á Presidencia.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
