martes, 27 de octubre de 2026
Nota de prensa remitida por el Gabinete de Comunicación de la Xunta de Galicia:
O Salón Teatro, espazo escénico compostelán pertencente á Consellería de Cultura, Educación e Ordenación Universitaria, acolle o xoves día 5 e mais o venres 6 dúas funcións a cargo do humorista lucense Javier Varela, que ofrecerá ás 20:30 horas o seu monólogo para todos os públicos Un momento duro de ahora... 5 pesetas de las de antes.
Javier Varela, natural de Chantada (Lugo) e coñecido polo seu traballo como presentador de programas en Televisión de Galicia (TVG) como Polo chan, Delincuentes torpes ou Máis galego, amosará desde o escenario santiagués a súa faceta de showman de comedia a través da súa última proposta escénica, na que durante máis dunha hora comparte cos espectadores a interpretación dos textos nos que describe situacións cotiás, curiosidades e ironías coas que o público pode sentirse facilmente identificado.
A peza, que o autor presenta como un espectáculo intenso, divertido e con moito humor, parte do suposto de que o ser humano non está xeneticamente preparado para traballar. Despois de obter un gran éxito en distintas salas de Madrid e do norte peninsular, chega á capital de Galicia con dous pases especiais nos que Varela, acompañado polo músico Miguel Granero ao piano e por Rafa Durán como mestre de cerimonias, apelará á capacidade dos galegos de rirse de si mesmos.
As entradas para asistir a Un momento duro de ahora... 5 pesetas de las de antes poden mercarse de xeito anticipado a través do web www.entradas.abanca.com [nova venta] e no despacho de billetes do Teatro Principal de Santiago de 18:00 a 21:00 horas. No Salón Teatro estarán á venda os días das funcións desde as 18:30 horas e ata o comezo do espectáculo. O prezo único é de 6 euros.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
