sábado, 7 de noviembre de 2026
Nota de prensa del Gabinete de Comunicación del PPdeG:
O Comité Electoral do PPdeG recibiu as propostas dos órganos municipais ou provinciais competentes sobre as persoas que encabezarán as listas do partido ás vindeiras eleccións nas sete principais cidades de Galicia.
Os candidatos das catro capitais de provincia serán Carlos Negreira por A Coruña, Jaime Castiñeira por Lugo, Jesús Vázquez por Ourense e Jacobo Moreira por Pontevedra. Respecto ás outras tres grandes urbes da Comunidade, os alcaldes de Santiago e Ferrol, Agustín Hernández e José Manuel Rey Varela, optarán a un novo mandato e serán os cabezas de cartel do PPdeG nas próximas eleccións. Pola súa banda, a conselleira de Facenda, Elena Muñoz, será a encargada de liderar a candidatura dos populares na cidade de Vigo.
Isto supón que o PPdeG renove os seus candidatos en catro das sete cidades respecto aos cabezas de cartel que presentou na anterior cita electoral, o que supón un 57,1% de renovación. Repiten os candidatos e alcaldes de A Coruña e Ferrol, así como o aspirante de Lugo, que obtivo en 2011 a porcentaxe máis alta de voto do PPdeG nas sete cidades aínda que non serviu para obter unha maioría suficiente para gobernar.
Os aspirantes das outras catro cidades debutan como cabeza de cartel nestas eleccións, aínda que todos eles teñen participado noutras listas electorais. De feito, os catro formaron parte das candidaturas que presentou o partido de cara as últimas eleccións autonómicas. Tres deles (Hernández, Muñoz e Moreira), acompañando na lista de Pontevedra a Alberto Núñez Feijóo. O outro candidato, o de Ourense, foi número 1 na lista desa provincia nese proceso electoral de 2012 no que o PPdeG recolleu de novo o apoio maioritario das urnas.
Fotografía: Gabinete de Comunicación de la Xunta de Galicia
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
