martes, 27 de octubre de 2026
Nota de prensa remitida por el Gabinete de Comunicación de la Xunta de Galicia:
O Museo de Belas Artes da Coruña foi o escenario da xornada O soño galego de Julio Cortázar, coa que a Consellería de Cultura, Educación e Ordenación Universitaria lle rendeu homenaxe ao escritor arxentino no ano no que se conmemora o centenario do seu nacemento.
A celebración desta efeméride constitúe unha excelente oportunidade para afondar na estreita vinculación que Cortázar mativo con Galicia e cos galegos, así como na pegada da nosa terra na súa obra literaria, afirmou o secretario xeral de Cultura, Anxo Lorenzo, durante o acto de apertura. Con este motivo, a vixencia de Cortázar e da súa literatura queremos poñela de manifesto a través da presenza de Galicia no universo dun dos escritores hispanoamericanos máis relevantes da literatura de todos os tempos, dixo.
O poeta e narrador Francisco X. Fernández Naval (Ourense, 1956), autor do libro O soño galego de Julio Cortázar, que lle dá nome á xornada, foi o encargado de afondar nesa relación do escritor arxentino con Galicia e cos galegos. O título da obra, editada por Linteo co apoio da Consellería, fai referencia ao desexo que manifesta o escritor nunha carta que lle escribe ao pintor Eduardo Jonquiéres de vir con Aurora Bernárdez, a súa primeira muller, a Redondela e pasar un tempo pescando, paseando e herborizando como Russeau. Ese soño sérvelle a Fernández Naval de pretexto para realizar unha achega en profundidade á vinculación do escritor arxentino con Galicia.
O programa tamén incluíu a proxección da peza audiovisual Cortázar Galicia, un proxecto dirixido por Juan de la Colina e baseado nos lugares que Cortázar e Aurora Bernárdez realizan a Galicia nos anos 1956 e 1957. As cartas e outros textos sobre estas viaxes que Julio Cortázar fixo a Galicia son a base desta peza documental, que se apoia en documentación facilitada polo Centro Galego de Artes da Imaxe (CGAI) depositario dos fondos fotográficos e fílmicos de Julio Cortázar, a Fundación Juan March e a Fundación Luís Seoane.
Favorecer o achegamento ao universo galego dun dos nomes máis destacados da literatura universal foi o obxectivo central desta xornada promovida pola Consellería de Cultura e Educación no remate do ano no que se celebra o centenario de Julio Cortázar.
Fotografía: Gabinete de Comunicación de la Xunta de Galicia.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
