jueves, 18 de junio de 2026
Nota de prensa remitida por el Gabinete de Comunicación de la Xunta de Galicia:
O presidente da Xunta, Alberto Núñez Feijóo, anunciou que a dirección de PSA Peugeot-Citröen ven de comunicarlle oficialmente a decisión de que os novos vehículos K9 se fabricarán en Vigo, a partir de 2017. Tras unha reunión mantida en París cos directivos internacionais da compañía: Denis Martin, director da rexión Europa, Yann Vincent, director de industria do Grupo e Juan Antonio Muñoz Codina, director de industria Europa, e na que tamén estivo o conselleiro de Economía e Industria, Francisco Conde, Feijóo expresou o seu convencemento de que esta é tan boa noticia para Galicia como o será tamén para a compañía, á que agradeceu a súa confianza na Comunidade, que siga apostando por Vigo e pola Comunidade, incidiu.
Estamos a falar da mellor noticia posible para os 7.000 traballadores de Citröen en Vigo, a mellor noticia posible para o conxunto das 19.000 familias que traballan no sector da automoción en Galicia, a mellor noticia posible para boa parte do PIB de Galicia e a mellor noticia posible para boa parte das exportacións da comunidade, abundou.
Tras a xuntanza, o titular do Goberno galego salientou que xunto coa vantaxe loxística de estar nunha das principais cidades portuarias da fachada atlántica, PSA valorou a calidade e a produtividade do traballo que se realiza na fábrica de Vigo. Ademais de ter en conta o valor engadido do sector en Galicia, o seu carácter innovador: a cualificación dos seus traballadores e a cooperación a través do clúster da automoción.
A estabilidade da Comunidade, o apoio institucional constante que a Xunta dá a un sector que é prioritario nas súas políticas e a innovación que o Goberno galego está a desenvolver desde o CTAG que é xa unha referencia internacional no eido da tecnoloxía-, a RIS3 ou os proxectos innovadores Industria4.0, son outros factores que, segundo precisou Feijóo, tamén valorou a compañía.
O responsable do Executivo autonómico aseverou que esta decisión é, sen dúbida, un recoñecemento aos esforzos de todos os que traballaron neste proxecto e, sobre todo, un recoñecemento aos traballadores da fábrica de Vigo e aos traballadores do sector da automoción en Galicia.
Feijóo fixo fincapé na importancia do traballo conxunto, unha alianza entre a fábrica de Vigo, a automoción galega e a Xunta que permitiu, hoxe, anunciar a mellor noticia posible para un sector decisivo da economía galega do que viven 19.000 familias e que supón un 14% do PIB da Comunidade.
Ante esta nova, o presidente da Xunta felicitou aos traballadores da fábrica de Vigo e a todo o sector en Galicia, xa que este novo encargo supón estabilidade, certeza e perspectivas de futuro para os traballadores do sector. E supón, ademais, un importante estímulo para Galicia: Supón un estímulo de que novamente unha grande compañía volve a confiar na Comunidade; e supón tamén unha mostra explícita de que o esforzo, a constancia e a estabilidade ten resultados, dixo.
Celebramos este triunfo da capacidade industrial de Galicia, da capacidade do sector da automoción de Vigo e queremos comprometer máis esforzo, máis responsabilidade, máis competitividade e máis traballo. PSA Peugeot-Citröen acaba de outorgarnos unha confianza á que responderemos con capacidade, innovación e competitividade, concluíu.
Fotografía: Gabinete de Comunicación de la Xunta de Galicia.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crítico e experiencia colectiva. Entre estas propostas figura A Fortaleza, da compañía A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo Rodríguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
