lunes, 7 de julio de 2025
Nota de prensa remitida por el Gabinete de Comunicación de la Xunta de Galicia:
O Salón Teatro da Consellería de Cultura, Educación e Ordenación Universitaria ofrece un total de cinco funcións do espectáculo Meu ben, protagonizado por Elina Luaces, Mercedes Castro e Rocío González. A nova produción de Eme2 representarase no espazo compostelán a partir do mércores día 4, tomando así o relevo de Teatro Muxicas, agrupación artística da ONCE en Ourense, que mañá martes abre a carteleira de xuño coa representación ás 20.30 horas de A visita da vella dama.
A continuación, Eme2 ofrecerá ata o día 8 un pase diario da súa última proposta con funcións ás 20.30 horas de mércores a sábado e ás 18.00 horas o domingo para a que volve contar coa dirección escénica de Álvaro Lavín, responsable da compañía madrileña Teatro Meridional.
Meu ben é a versión galega de Little Gem, a aclamada obra de debut que lle outorgou a Elaine Murphy a consideración de novo talento da literatura teatral irlandesa. Avelino González e Olga F. Nogueira traduciron este texto ao galego para a que é, ademais, a primeira adaptación escénica desta peza en España.
As tres actrices protagonistas representan neste espectáculo tres xeracións de mulleres dunha mesma familia de clase media que rememoran un ano extraordinario de amor, sexo, vida, morte e clases de salsa. A peza foi estreada orixinalmente en 2008 pola compañía irlandesa Guna Núa nunha montaxe merecedora do prestixioso premio Carol Tambor do Festival de Edimburgo. Desde entón, ten cativado a espectadores de todo o mundo a través de diferentes producións nas Illas Británicas, Australia e Estados Unidos.
As entradas para as súas cinco funcións no Salón Teatro están xa á venda a través da billeteira da web http://entradas.novagaliciabanco.es e no despacho de billetes do Teatro Principal, aberta de martes a sábado en horario de 18.00 a 21.00 h. No Salón Teatro poden adquirirse os días de función, desde dúas horas antes do comezo do espectáculo.
Meu ben é, así mesmo, unha das propostas da programación inserida no Bono de Teatro Galego e Portugués, promovido conxuntamente pola Axencia Galega das Industrias Culturais (Agadic) e o Concello de Santiago para impulsar a oferta teatral galega de 2014 no Salón Teatro e no Teatro Principal, xunto con montaxes máis alternativas que acollen a Zona C e a Sala Agustín Magán. O prezo deste bono, que pode adquirirse nos devanditos despachos de billetes, é de 35 euros para un total de 5 funcións.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
