viernes, 24 de abril de 2026
Nota de prensa remitida por el Gabinete de Comunicación de la Xunta de Galicia:
A Consellería de Cultura, Educación e Ordenación Universitaria e a Asociación Músicos ao Vivo subscribiron un convenio de colaboración para o desenvolvemento dos II Premios Galegos da Música, a través dos que se busca acadar unha maior visibilidade social e o recoñecemento público do potencial creativo e artístico deste sector. O departamento que dirixe Xesús Vázquez Abad renova así a súa contribución á organización deste evento no marco do traballo conxunto que ambas as entidades manteñen no ámbito da promoción e potenciación da industria musical.
O texto do acordo asinado hoxe polo director da Axencia Galega das Industrias Culturais (Agadic), Jacobo Sutil, e o presidente de Músicos ao Vivo, Max Gómez, especifica que a convocatoria dos segundos Premios Galegos da Música estará destinada a todos os proxectos musicais galegos (grupos, solistas, espectáculos ou proxectos discográficos) vixentes e en activo en 2014 e realizados en Galicia, ou fóra de Galicia pero por músicos galegos. O punto culminante desta nova edición terá lugar o 17 de decembro cando se dea a coñecer o nome dos gañadores no transcurso da gala de entrega que se celebrará no Pazo da Cultura de Pontevedra.
O apoio da Consellería de Cultura e Educación a esta iniciativa da Asociación Músicos ao Vivo ten como finalidade, así mesmo, favorecer a súa consolidación como inmellorable plataforma de promoción deste sector básico da cultura galega. Neste sentido, inténtase non só fomentar a proxección da música feita en Galicia e/ou por galegos na nosa Comunidade, senón tamén a nivel estatal e mesmo internacional, de xeito que este impulso se traduza nun aumento da actividade económica do sector no exterior.
Os galardóns naceron en 2013 co obxectivo de recoñecer a creación, a diversidade e a calidade artística das producións musicais galegas, así como de descubrir novos talentos e de achegar a música e o seu proceso de produción ao público. Nesa primeira edición e baixo o nome de Premios Galegos da Música Martín Códax, a convocatoria abriuse a un total de 13 categorías a concurso pop e indie; rock, blues, funk & soul; jazz e músicas improvisadas; hip-hop e músicas urbanas; música clásica e contemporánea; folk; música tradicional galega; música do mundo; música infantil; electrónica; metal; reggae, ska & mestizaxe; e orquestras, grupos e música de verbena para as que en tan só un mes logrouse reunir un total de 521 propostas.
Fotografía: Gabinete de Comunicación de la Xunta de Galicia
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
