jueves, 13 de agosto de 2026
Según han informado a Europa Press fuentes de la Xunta, Feijóo llevará en cartera asuntos como la situación del sector naval y las infraestructuras pendientes y aprovechará para resaltar las medidas adoptadas que han logrado mantener la autonomía financiera de la Comunidad gallega.
Nota de prensa remitida por el Gabinete de Comunicación de la Xunta de Galicia:
O presidente da Xunta, Alberto Núñez Feijóo, manterá un encontro co presidente do Goberno, Mariano Rajoy, no que abordarán os asuntos prioritarios para os intereses de Galicia. A reunión, que se celebrará ás 12 da mañá no Pazo da Moncloa, será a primeira que se produce entre ambos os dous mandatarios desde o inicio da lexislatura autonómica.
No decurso do encontro, o titular da Xunta trasladaralle ao presidente do Goberno español as principais inquedanzas da Comunidade e expresará a confianza en que se manteña como ata o de agora o compromiso do Executivo central cos asuntos maior transcendencia para Galicia.
Alberto Núñez Feijóo exporá ante Mariano Rajoy as liñas estratéxicas e prioridades do Goberno galego para esta lexislatura, orientadas á creación de emprego, ao fortalecemento do tecido produtivo e ao mantemento dos servizos sociais e do sistema de benestar.
Así mesmo, o presidente galego porá en valor o compromiso de Galicia con garantir a solvencia que contribúa á viabilidade do Estado das Autonomías. Como proba disto, Feijóo incidirá no reiterado cumprimento dos obxectivos do déficit por parte da Comunidade nos últimos exercicios, grazas a unha aposta pola estabilidade orzamentaria e pola contención do gasto público.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
