viernes, 27 de junio de 2025
El Gobierno gallego también ha decidido adaptar las sanciones, de forma que las multas por faltas leves "reducen su intensidad" -baja de un máximo de 60.000 euros a 1.500- y las graves podrán alcanzar un millón. Así lo ha explicado el presidente de la Xunta, Alberto Núñez Feijóo, quien ha explicado que la nueva ley gallega de horarios comerciales no sólo se adapta a normas anteriores, sino que también se ajusta a la legislación básica del Estado, pero "atendiendo a las peculiaridades" de Galicia para garantizar el futuro del pequeño comercio y de los establecimientos situados en los cascos históricos de las urbes. "Cumplimos con la ley estatal y lo hacemos facilitando la supervivencia del pequeño y mediano comercio", ha defendido al término de la reunión semanal de su Ejecutivo, para incidir también en la importancia de "equilibrar" el peso de las sanciones, diferenciando en la cuantía entre las infracciones leves y graves de los establecimientos.
Nota de prensa remitida por el Gabinete de Comunicación de la Xunta de Galicia:
O presidente da Xunta, Alberto Núñez Feijóo, explicou que a nova Lei de horarios comerciais de Galicia busca o equilibrio entre o pequeno e mediano comercio e as grandes superficies. Estamos cumprindo os nosos compromisos que mais benefician á maior parte dos traballadores deste sector e que benefician á consolidación dos cascos e dos barrios das cidades, remarcou.
Así, o titular do Goberno galego asegurou que esta lei, que agora será remitida ao Parlamento, nace cun dobre obxectivo: cumprir a lexislación básica do Estado e atender ás peculiaridades do pequeno e mediano comercio en Galicia. Cumprimos coa normativa básica estatal pero o facemos, dentro das capacidades que deixa esta lexislación básica, facilitando a supervivencia do pequeno comercio en Galicia, concretou.
Neste sentido, o presidente galego explicou que o pequeno comercio terá liberdade horaria coa novidade de que se incrementa a superficie máxima que pode ter un establecemento para gozar dese beneficio ata 300 metros cadrados, fronte aos 150 actuais. Máis liberdade horaria para o pequeno comercio, máis posibilidades para vender e organizarse, remarcou.
Por outra banda, as grandes superficies poderán abrir 10 festivos actualmente son 8-, a cantidade mínima que establece a lexislación estatal que contempla a apertura ata 16 festivos ao ano. O horario máximo semanal será de 90 horas que tamén é o mínimo que establece a lexislación básica do Estado, engadiu Feijóo.
En definitiva cumprimos o obxectivo de facilitar o pequeno comercio en Galicia e cumprimos o obxectivo tamén de que as grandes superficies se vexan beneficiadas pola lexislación básica do Estado, remarcou Feijóo. Poderíamos chegar a 16 pero tomamos a decisión de manternos na banda baixa de 10 festivos ao ano. E liberdade horaria a todos os comercios de menos de 300 metros cadrados. Cremos que isto supón equilibrio dentro dos lexítimos intereses das dúas formas de comercio e supón tamén asumir os nosos compromisos electorais, destacou.
O presidente da Xunta explicou que, en materia de sancións, a nova lei equipara as sancións contempladas na Lei de horarios comerciais do ano 2006 e na Lei do comercio interior de Galicia do ano 2010. Non parecía razoable que houbera dous tipos de sanción en dúas leis que regulan o comercio en Galicia, asegurou.
Así, o presidente galego explicou que, unha vez máis, a Xunta intenta perxudicar o menos posible ao pequeno comercio e diminúe a contía das faltas leves as que máis comete o pequeno e mediano comercio- ata 1.500 euros fronte aos 60.000 actuais, e incrementa a das moi graves que pode chegar ao millón de euros. Estamos facendo todo o posible para que o pequeno comercio non poidan verse nunha situación imposible no suposto de que reciban unha sanción, salientou.
En calquera caso na lei queda claro que a graduación das sancións se fará en función da dimensión do comercio do que se trate. Polo tanto, o lexislador deixa un espazo para que o instrutor do expediente poida graduar a sanción en función do volume do comercio, da facturación e da dimensión do comercio sancionado, puntualizou o presidente galego.
Nota de prensa remitida por el Gabinete de Comunicación del BNG:
A deputada do G.P. do BNG, Montse Prado, ven de lamentar a decisión do goberno da Xunta de promover unha nova lei sobre horarios comerciais, que vai supor un novo ataque ao tecido produtivo do País a favor das grandes superficies.
Montse Prado, logo de coñecer a decisión do Consello da Xunta, avanza que o grupo parlamentar opoñerase á tramitación desta nova lei e fará unha campaña por todo o País para explicar o lesivo desta medida.
A deputada nacionalista advirte de que liberalizar horarios só favorece ás grandes áreas en detrimento do pequeno e mediano comercio, malia o que este colectivo representa no PIB, nos postos de traballo e como elemento dinamizador de moitas vilas e pobos.
Prado lembra que, ademais, o goberno galego está novamente claudicando ante unha invasión de competencias por parte do Estado, asume como boas as novas imposicións do goberno central en materia de comercio en vez de presentar recurso de inconstitucionalidade, como si teñen feito outras Comunidades.
Para a parlamentar, cómpre recordar que se está a falar dun sector estratéxico para a economía do País, que xa está moi castigado polo dominio das grandes superficies e que con este novo golpe vai agravar a súa xa crítica situación.
Neste sentido, a deputada convidou aos membros do goberno a que se dean un paseo por cidades como Santiago ou Vigo e comproben in situ o número de establecementos que tiveron que pechar nos últimos tempos e máis que se verán abocados a pechar de continuar esta política agresiva contra os intereses do pequeno e mediano comerciante.
Galicia reforza por terceiro curso consecutivo o seu liderado na taxa de escolaridade de 0 a 3 anos e achégase ao 65 %, máis de 15 puntos por riba da media de España, segundo os últimos datos oficiais que vén de publicar hoxe o Ministerio de Educación, Formación Profesional e Deportes. Deste xeito, Galicia segue sendo a comunidade autónoma onde máis familias poden acudir a unha escola infantil totalmente gratuíta. As cifras oficiais revelan que Galicia rexistrou no curso 2024-2025 unha taxa do 64,3 % de escolarización, máis de catro puntos por riba do 60,6 % acadado no período anterior. Esta porcentaxe mantén á comunidade ao nivel dos países con maiores índices de benestar en Europa, como Suecia ou Dinamarca.
No marco do Plan de Actuacións da Xunta de Galicia fronte aos posibles efectos das altas temperaturas sobre a saúde, vénse de activar o nivel 1 de alerta a diversas áreas da comunidade autónoma por episodio de calor. Meteogalicia informa que a partir da xornada do venres 27, as altas presións volverán localizarse ao norte da península Ibérica, achegando unha masa de aire moi cálida de orixe norteafricana. Isto fará que as temperaturas experimenten significativos ascensos, tanto nos valores mínimos como nos máximos. Este ascenso de temperaturas comezará a notarse desde ese mesmo día, cando en moitos puntos de Galicia se superarán os 30ºC, e mesmo os 35ºC, en puntos do interior.
