jueves, 22 de mayo de 2025
Nota de prensa remitida por el Gabinete de Comunicación de la Xunta de Galicia:
A Consellería de Cultura, Educación e Ordenación Universitaria colabora co 60º aniversario do Festival de Ópera da Coruña, unha iniciativa que vén manténdose de maneira constante e nacida da propia vontade dunha sociedade que ten consolidada a súa afección pola arte musical e que persevera na construción dunha mostra que mantén avivado ese interese polo xénero operístico.
Así o afirmou o secretario xeral de Cultura, Anxo Lorenzo, durante o acto de presentación da programación de actividades da nova edición do festival, que tivo lugar na Coruña, e n que tamén participaron Miguel Lorenzo, membro do Consorcio para a Promoción da Música; Natalia Lamas, presidenta de Amigos da Ópera da Coruña; María Faraldo, vicepresidenta da Deputación da Coruña; e César Wonenburger, director artístico do Festival de Ópera da Coruña
A Consellería de Cultura e Educación colabora, a través da Axencia Galega das Industrias Culturais, colabora coa nova edición deste do Festival de Ópera da Coruña, que integra no seu cartel primeiras figuras e montaxes internacionais á par das mellores voces galegas, que teñen neste festival un espazo de proxección que transcende tamén as nosas fronteiras, segundo destacou o secretario xeral,
Ao fío disto, o secretario xeral explicou que a configuración do festival, con estreas de primeira orde, primeiras figuras internacionais, cantantes líricos galegos consolidados, novas voces locais emerxentes e, ao mesmo tempo, a creación dun ambiente que enche a cidade con proxeccións e conferencias sobre a ópera, fan desta cita un referente de outono verdadeiramente interesante.
A nova edición Festival de Ópera da Coruña, o decano dos certames líricos españois, terá lugar entre os meses de agosto e outubro. A programación de actividades comeza o próximo 29 de agosto cun concerto lírico que ofrecerán o tenor Celso Albelo e a soprano Irina Lungu, que estarán acompañados pola Orquestra Sinfónica de Galicia.
O 8 de setembro ofrecerase a ópera en concerto Nabucco de Verdi, título referencial do compositor italiano, programada precisamente na temporada na que se conmemora o bicentenario do creador. O 21 do mesmo mes terá lugar unha nova edición do ciclo As novas voces galegas, no Conservatorio Profesional da Coruña. Na súa sexta convocatoria, esta sección del festival recibe á soprano, nacida en Ferrol, Patricia Rodríguez.
O 27 e 30 de setembro subirá a escena a ópera representada, unha das favoritas do públicos e que estivo lonxe da programación galega desde os anos 80, Madama Butterfly, a obra máis popular de Giacomo Puccini. Como última actividade do Festival, ofrecerase unha gala lírica conmemorativa dos 60 años desta cita, que estará interpretada por unha das mellores e máis aclamadas cantantes dos nosos días. A mezzosoprano Elina Garanca debutará o 5 de octubre no festival cun concerto no que tamén participará a Sinfónica de Galicia baixo a batuta de Karel Mark Chichon.
O Festival acollerá ademais interesantes actividades paralelas, como conferencias, encontros cos protagonistas e proxeccións de películas e óperas en lugares como o Museo de Belas Artes e a Biblioteca da Deputación coruñesa.
A venta de abonos comezará o vindeiro 10 de xullo e as entradas soltas poderán adquirirse a partir do 17 de xullo a través da páxina de Novacaixagalicia Banco e na Praza de Ourense.
Tivo lugar a V edición do Foro de Directores de Informática, que reuniu aos responsables de dixitalización das 17 Comunidades Autónomas, onde se debateu o papel das administracións públicas para garantir que a intelixencia artificial beneficie a toda a poboación, con independencia das condicións sociais ou económicas. Os responsables autonómicos compartiron experiencias e analizaron os retos para a aplicación de tecnoloxías como a ciberseguridade ou a intelixencia artificial. Houbo, así mesmo, unha sesión de traballo para analizar o futuro dos fondos europeos para avanzar na modernización tecnolóxica das rexións.
Desde o Xacobeo 21-22, máis de 2,5 millóns de persoas participaron nas actividades impulsadas baixo esta marca, que se consolidou como un motor económico e social. Este ano, os Concertos do Xacobeo acollerán case 100 eventos en máis de 50 localidades de toda Galicia, reunindo a 700 artistas de primeira liña, tanto internacionais como nacionais e galegos. A programación combinará grandes nomes da escena musical global, como Kings of Leon, Lenny Kravitz ou Alanis Morisette, con recoñecidos artistas galegos como Tanxugueiras, Guadi Galego ou Xoel López. A diversidade da programación, tanto en estilos como en formatos, permitirá atraer a públicos variados e reforzar a imaxe de Galicia como destino cultural dinámico, onde tradición e modernidade conviven nos escenarios.
