domingo, 13 de septiembre de 2026
Entre 2019 e 2024 investiuse un total de 2,6 millóns de euros, permitindo a realización de 159 accións formativas e case 469.000 horas lectivas.
Para os próximos anos, o plan estrutúrase en seis programas:
- Cursos monográficos sobre temas específicos.
- Itinerario formativo profesional para especialización.
- Adestramento operativo para mellorar a eficiencia.
- Formación para entidades locais.
- Programas de sensibilización cidadá.
- Divulgación pública para concienciación.
Novidades operativas: o xefe de loxística
Unha das innovacións do Pladiga é a creación da figura do xefe/a de loxística, un posto operativo que xestionará
- O desprazamento de medios durante incendios complexos.
- A supervisión das comunicacións en zona de emerxencia.
- O avituallamento e aloxamento do persoal.
- A coordinación co Centro de Coordinación de Distrito (CCD) e o Punto de Recepción de Medios (PRM).
Dispositivo humano e medios materiais
O dispositivo contra incendios contará cun total de 7.000 profesionais, cifra similar a anos anteriores, contabilizando os da Xunta e outras Administracións. Ademais, amplíase o período de traballo do persoal fixo-descontinuo, que o ano pasado traballaron ao longo de sete meses, en 2025 estano facendo oito e en 2026 e sucesivos farano nove meses.
En canto aos recursos materiais, vaise contar con 30 medios aéreos (da Xunta e do Estado) e 380 motobombas e vehículos pesados (incluídos os municipais), destacando tamén o proceso de renovación dos equipos existentes (desde 2013 substituíronse 137 motobombas, e en 2025 adquiriranse 3 novas unidades).
Prevención en parques naturais e novas estratexias
En 2025 elaboraranse plans preventivos nos seis parques naturais de Galicia, compatibilizando a conservación do patrimonio natural coa redución do risco de incendios.
Tamén se avanzará nunha ferramenta de análise de risco para identificar áreas estratéxicas, coñecendo con maior precisión as zonas con maior probabilidade de incendios. Este proxecto, enmarcado no programa europeo Interreg-Sudoe (USE4FOREST), comezará en Pontevedra e Ourense.
Sensibilización, infraestruturas e investigación
Dentro dos traballos destinados á prevención activa dos incendios forestais, están previstas a creación de faixas cortalumes, a mellora de pistas forestais, as queimas controladas e o mantemento de 5.000 puntos de auga.
Outro punto fundamental é a sensibilización, e concretamente dentro dos centros educativos, coa edición de 3.500 libros, 10.000 cadernos e 10.000 unidades didácticas de "Os Bolechas. Os incendios forestais".
En relación co plan de detección, disuasión, investigación e medidas correctoras salienta a actuación nas parroquias de alta actividade incendiaria (PAAI): Este ano incorpóranse dúas parroquias, e saen do listado 16, de xeito que en 2025, 26 parroquias estarán no listado (14 menos que en 2024).
Renovación de infraestruturas
O Plan de Mellora de Infraestruturas (2025-2026) contará cun orzamento de 13,7 millóns de euros para:
- Nova base aérea en Lalín (Pontevedra)
- Reforma integral da base de Antela (Sandiás, Ourense), adaptada para seis avións, cuxo financiamento contará co apoio de fondos Feader dentro do programa Interreg, e nova base aérea en Valga
- Bases de unidades operativas (BUO) en Valga, Portas, Tui e Bande, financiadas con fondos Feader e Feder.
Estas actuacións pretenden, modernizar os medios de prevención e extinción, garantindo unha resposta máis eficaz ante os incendios forestais.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
