lunes, 15 de diciembre de 2025
Nota de prensa remitida por el Gabinete de Comunicación de la Diputación Provincial de Lugo:
O vicepresidente da Deputación, o nacionalista Antonio Veiga, participou na presentación do V Enduro Concello de Becerreá Porta do Ancares, proba que puntuará para o campionato de España da especialidade e que se celebrará en Becerreá o vindeiro domingo día 9. Á presentación, realizada no Pazo de San Marcos, tamén acudiron o representante do club de motor organizador Motosprint, Luis Pimentel, o alcalde de Becerreá, Manuel Martínez, e o concelleiro de Deportes, Claudio Vázquez, ademais do campión de España, Xacob Agra (KTM).
Antonio Veiga expresou a súa satisfacción de que unha das probas máis espectaculares e duras do Campionato de España se desenvolva no concello de Becerreá, conseguindo así reunir nesta localidade lucense aos mellores e máis prestixiosos pilotos do ámbito nacional, estatal e incluso mundial. Logo disto, o nacionalista comentou que este tipo de iniciativas potencian o sector socioeconómico da vila na que se desenvolven e dos seus arredores.
Na listaxe de participantes destacan nomes coma o de Iván Cervantes (Gas Gas), Cristóbal Guerrero (KTM) que encabeza a clasificación do Nacional con 142 puntos, e Xacob Agra (KTM). Nesta liña o representante do comité organizador do III Enduro Concello de Becerreá e integrante do club Motosprint comentou que a proba comezará coa saída ás 9 da mañá do primeiro participante, que está previsto que chegue á meta ás 15:30 horas.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam Rodríguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crítica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Así o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
