viernes, 12 de septiembre de 2025
Nota de prensa de www.Galiciadigital.com:
www.galiciadigital.com é unha plataforma en Internet formada por dúas ducias de portais informativos e técnicos, que ven de cumprir dez anos na Rede.
Estes dez anos en Internet son a culminación dun cuarto de século de actividade, xa que comezamos en 1986, coa Productora de Video e Editorial Ophiusa, na que editamos un cento de publicacións en video e case medio cento de libros, con atención especial ó idioma galego.
As nosas producións obtiveron xeral recoñecemento e dúas delas Compostela, capital de Occidente e La Coruña: luz, piedra, mar, cristal...- conseguiron as primeiras declaracións de Video de Interés Turístico que concedeu en España o entón Ministerio de Comercio y Turismo.
Como unha variante desta iniciativa creamos anos despois a editorial Citania de Publicacións, que publicou numerosos videos, libros e video-libros.
Como editores de video-libros chegamos a ser a cuarta empresa de España, despois de tres institucións oficiais; a primeira entidade privada española na produción de video-libros.
O mesmo equipo, mantendo vivas estas dúas iniciativas, creou a primeira televisión local de Lugo TELEVISIÓN LUGO-, que sostivemos entre 1994 e 1998, período no que ofrecemos á nosa audiencia 30.000 horas de televisión local, a maior parte de produción propia.
Como culminación de todo o noso esforzo creador, toda a experiencia, fondo literario e documental e toda a nosa actividade centrouse en www.galiciadigital.com, que desde abril de 2000 está na Rede, tendo na actualidade un promedio diario de visitas de perto de de 30.000, estimando que ó final deste año pecharemos 2010 con 9.000.000 visitas e 50.000.000 de páxinas vistas.
Se neste momento Galicia Digital é un escaparate de Galicia aberto ó mundo, e un espello no que mirarnos os da Galicia interior, é precisamente pola experiencia dun cuarto de século dos nosos documentalistas, periodistas e escritores, que abordan cada cuestión coa seguridade do experto. Temos, ademáis, expertos fotógrafos e cámaras que obteñen as imaxes para as nosas producións e páxinas, cun fondo documental que abarca o último cuarto de século da nosa historia.
En Internet
GALICIA DIXITAL é un Portal de Portais, dedicado a Galicia nos seus máis diversos aspectos; que está creando un banco de información de permanente utilidad para os interesados no noso País e, de forma especial, para os galegos de todo o mundo.
Baixo a denominación común de www.galiciadigital.com, está un total de 27 portais, algúns deles técnicos, que levan nomes de Asociaciones , Automoción , Ayuntamientos , Camino de Santiago , Comunicación , Construcción , Cultura , Curso de Gallego , Deportes , Educación , Empleo , Empresas , Ferias, Futurología , Gallegos , Instituciones , Juventud, Letras Galegas , Moda , Turismo ou Websgalicia .
Se ben todos forman parte esencial da Plataforma e son creación nosa, hai varios que levan unha maior impronta persoal ou creativa, e que polos seus contidos, investigación e desenvolvemento, e mesmo o impacto entre os internautas, merecen destacarse:
Caminos de Santiago, www.caminosasantiago.es
Guías en Internet dos Camiños a Compostela: CAMIÑO FRANCÉS A COMPOSTELA, desde Roncesvalles a Santiago, CAMIÑO DO NORTE, CAMIÑO PRIMITIVO e CAMIÑO INGLÉS
Cultura, www.culturagalega.info
Neste portal confeccionamos gratuitamente galerías de artista páxinas individualizadas con galería de imaxes- para os creadores galegos. Nestes momentos temos 475 galerías de pintores, escultores, fotógrafos, artesáns, gravadores, arquitectos e ilustradores.
Empleo, www.empleogalicia.com
Funcionamos como una Oficina de emprego de carácter gratuito, sostendo esta iniciativa coas nosas propias forzas. Nestes momentos temos neste portal datos de l.087 empresas que ofertan emprego e 10.351 currículums de solicitantes de postos de traballo.
Empresas, www.empresasgalicia.com
Ofrecemos ó público a maior base de datos de empresas galegas na Rede con datos, e posibilidade de conexión dun total de 11.729 empresas, co conseguinte beneficio tanto para as propias empresas que se benefician desta publicidade como para a persoa que necesite contactar con un determinado productor ou vendedor.
Gallegos, www.galegos.info
Portal dedicado a personalidades de hoxe e de sempre dos que, en galego, castelán e inglés, ofrecemos datos, fotografía, currículum e relación das obras máis importantes. Moitos deles forman parte do grupo de colaboradores de OPINIÓN, que contribúen a engrosar e prestixiar o nosso fondo documental.
Letras Galegas, www.diadasletrasgalegas.com
Ofrece reseñas biográficas, fotografías, anacos de obras e demais datos dos persoeiros ós que no decurso dos anos se dedicou a nosa maior festividade, o Día das Letras Galegas.
Turismo, www.turismogalicia.info
O portal Turismo ofrece guías histórico-turístico-monumentais das cidades de Galicia: Compostela, Lugo, A Coruña, Ourense e Pontevedra. Son guías para o turismo, para o curioso ou entendido, abordando en profundidade o ser de cada cidade. Utilizamos os idiomas castelán, galego, inglés, alemán e italiano.
Websgalicia, www.websgalicia.com
Recopilamos as páxinas web de empresas, institucións ou particulares deste país, ofrecendo un panorama da situación de Internet en Galicia e a posibilidade de que o internauta localice a páxina que mellor se acomoda ás súas necesidades ou á súa curiosidade. Na actualidade, temos rexistradas 5.113 webs, medrando arredor de cincuenta novas webs ó mes.
Coas primeiras 4.800, froito do traballo dos últimos anos, publicamos recentemente en libro a GUÍA DE WEBS DE GALICIA,
Así mesmo, poñemos ó dispor de todos os usuarios un conxunto de servizos relacionados con Internet que poden ser manexados directamente polo interesado, aínda que este non teña coñecementos de programación nin maior experiencia na utilización de internet que o de usuario.
Este portal permite rexistrar dominios, adxudicarse contas de correo electrónico, confeccionar webs presenciais, darse de alta en buscadores, xestionar o aloxamento de webs ou tramitación de temas publicitarios.
Tamén esta Plataforma en internet dispón dun autobús adaptado para uso como aula de ensino, que pode funcionar como Aula virtual itinerante, Ciber, Sala de proxección, Sala de audición ou Sala de Xogos, coa que ten realizado numerosas campañas para institucións oficiais, empresas privadas e a propia Plataforma.
Foi presentada a XLVII Semana de Cine de Lugo, que se desenvolverá entre os días 22 e 27 de setembro. O Grupo Cinematográfico Fonmiñá presentou un completo cartel que suma arredor de 200 proxeccións e actividades paralelas en cinco sedes. A Semana de Cine tamén servirá para homenaxear á actriz galega María Vázquez e a Enrique Muiño, 'O gaucho galego', que terán a súa placa no Paseo do Cine do parque de Frigsa, así como aos fotógrafos Atín Aya e Mercedes Vázquez. O programa complétase con outras actividades como unha mesa redonda sobre o alzhéimer, unha exposición sobre a Muralla de Lugo ou un concurso de escaparates.
Galicia xa ten identificados 1.600 elementos a incluír no futuro catálogo de bens de valor cultural no litoral. Un traballo que se desenvolveu en tan só dous meses desde a asunción das funcións e servizos en materia de ordenación e xestión do litoral por parte do Executivo galego. A Lei de ordenación e xestión integrada do litoral en Galicia (Loxilga), en vigor desde hai dous anos, converteu Galicia na primeira Comunidade Autónoma en regular por lei a totalidade da súa costa, exercendo desde o pasado 1 de xullo a súa xestión plena e efectiva co traspaso das funcións e servizos correspondentes. Este marco normativo supón un punto de partida que dota a Galicia da capacidade de actuar e planificar o futuro do seu litoral.
