sábado, 26 de septiembre de 2026
Funcionalidades: xeolocalización e fotos no momento
ALume conta cunha interface sinxela e moi intuitiva, pensada para que calquera persoa poida utilizala sen dificultade nunha situación de emerxencia. Dende o menú principal, o usuario pode elixir entre realizar un aviso directamente a través da aplicación ou ben efectuar unha chamada ao teléfono tradicional de emerxencias (085).
Entre as principais vantaxes que achega a aplicación destacan:
- Posicionamento GPS preciso: A app envía a localización exacta do usuario e do foco detectado, eliminando erros de interpretación ou imprecisións á hora de identificar o lugar do incendio.
- Envío de imaxes e son: O alertante pode capturar e achegar fotografías do incendio en tempo real, así como notas de voz ou observacións por escrito que axuden aos técnicos a avaliar a columna de fume, a intensidade das lapas ou o tipo de vexetación afectada.
Un paso máis na dixitalización do operativo
A posta en marcha de ALume forma parte do proceso de modernización tecnolóxica do dispositivo contra incendios, sumándose a outros avances como a incorporación da intelixencia artificial para a detección automática de fume na rede de videovixilancia e o uso de drons en zonas de difícil acceso.
Con esta nova ferramenta, procúrase tamén implicar á poboación na protección do patrimonio natural, dotando á cidadanía dunha canle directa, rápida e eficaz para colaborar na defensa dos montes galegos.
Jannis Kounellis é un dos artistas fundamentais da historia da arte da segunda metade do século XX. Foi obxecto de grandes exposicións retrospectivas na Fondazione Prada, Venecia (2019), e no Museo Jumex, Cidade de México (2023). Entre as súas exposicións individuais institucionais destacan as do Musée dArt Moderne de la Ville de Paris (1980), Whitechapel Gallery, Londres (1981), Castello di Rivoli, Turín (1988), Stedelijk Museum, Ámsterdam (1990), Museo Nacional Centro de Arte Reina Sofía, Madrid (1996), Albertina, Viena (2005), Neue Nationalgalerie, Berlín (2007), MACRO, Roma (2016), Walker Art Center, Minneapolis (2022) e Museo Jumex, Cidade de México (2023).
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
