miércoles, 10 de junio de 2026
Nota de prensa remitida por el Gabinete de Comunicación de la Consellería do Mar de la Xunta de Galicia:
A Consellería do Mar, a través da súa Secretaría Xeral, remitiu ao Consello Regulador do Mexillón de Galicia un fax a través do que se lle comunica que se vai proceder á realización dunha auditoría externa e independente co fin de coñecer a situación financieira e patrimonial do órgano de xestión do molusco amparado baixo a Denominación de Orixe Protexida.
Dende a Consellería do Mar tomouse esta decisión logo de ter solicitada en ocasións reiteradas distinta información relativa ao estado das contas do Consello e que foi remitida de xeito incompleto.
Entre outra, solicitóuselle ao Consello Regulador, información referente ás contas anuais e actas das reunións dos catro últimos anos, a relación de persoal ao cargo do Consello e mais o estado de execución dous convenios asinados en 2009. Estes convenios entre o Consello Regulador e maila extinta Consellería de Asuntos Marítimos rematan este ano. O primeiro ten por finalidade a dotación de medios para emitir documentos de rexistro de moluscos bivalvos vivos e transmisión telemática de datos e, o segundo, impulsar a denominación de calidade e promocionar o produto.
Ao detectar posibles irregularidades na información solicitada (e que foi parcialmente remitida) e ante a imposibilidade de coñecer a partir dela a realidade financeira e patrimonial do Consello Regulador, a Consellería do Mar decidiu solicitar unha auditoría externa e independente que aclare a súa situación financieira e patrimonial.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
