viernes, 18 de julio de 2025
Nota de prensa remitida por el Gabinete de Comunicación del Grupo Parlamentario del PPdeG:
Unha caixa de sorpresas. Logo de acreditarse que o bipartito modificou a adxudicación do anteproxecto do novo hospital de Vigo para outorgalo a unha empresa vinculada a altos cargos que daquela formaban parte da Consellería de Sanidade, agora, o Consello de Contas saca á luz novas anomalías en relación con esa obra, segundo denunciaron en Vigo os deputados do Grupo Popular Ignacio López-Chaves e Miguel Santalices.
Así indicaron que o Informe de fiscalización da área de contratación do Sergas no exercicio de 2006 desvela que na contratación da redacción dalgún dos proxectos examinados (novo Hospital de Vigo) non se puido verificar o método de determinación do importe dos honorarios que se afastou nas normas xerais de cálculo.
Segundo Ignacio López-Chaves o Consello de Contas afirma que a existencia dun precedente de licitación máis económico sobre o mesmo traballo esixiría unha fundamentación abondo do motivo polo que o SERGAS se afastou das normas xerais de cálculo e o mesmo Consello se pregunta cómo na etapa do Goberno bipartito PSOE-BNG se pagaban mais honorarios por un proxecto que os que se licitaran no do anterior Xunta do PPdeG, nun proxecto mais complexo.
Esto ven a confirmar, segundo Miguel Santalices, que na planificación na área de Vigo e no hospital houbo derroche e despilfarro e nos expedientes examinados polo Consello non se encontraron adxudicacións a oferta mais baixa.
O Informe do Consello tamén cuestiona que a pesar da declaración de urxencia do expediente,entre o inicio do mesmo e a adxudicación pasaron mais de 20 meses. Para López-Chaves o único que fixeron no Hospital de Vigo en catro anos, e agora vemos que o Consello de Contas confirma o que denunciara o PPdeG, estivo mal e tivo un deliberado retraso. Non elaboraron en catro anos nin tan sequera o proxecto de execución do Hospital, e encima pagaron mais por menos e con mais retraso.
Segundo os deputados populares o Informe tamén desvela que os gastos de publicidade do novo Hospital que realizou a anterior Xunta bipartita para dar a coñecer o inicio do proxecto foron executados mal, e existiu un fraccionamento dos tres contratos que examinou o Consello o dividir en tres expedientes unha mesma necesidade pública.
O propio Consello sinala que en dous deses contratos de publicidade, fraccionados de forma incorrecta, a dirección dos adxudicatarios, que aparecen formalmente como distintas empresas, é a mesma e que os expedientes se tramitaron con cargo a un Capítulo do presuposto do SERGAS que non é o correcto xa que o imputaron como inversión e non como gasto de publicidade.
Miguel Santalices señalou que o informe tamén constata anomalías e cuestiona decisións organizativas adoptadas durante o cuadrienio bipartito na área de Vigo e deste xeito cuestiona a creación de Galaria xa que pódense producir dificultades na actividade asistencial.
Así mesmo o Informe acredita as carencias en planificación económica financeira dos xestores do MEDTEC, xa que as previsións distaron da realidade, e tamén constata a carencia de documentación que xustifique os actos do MEDTEC na súa xestión.
O deputado Miguel Santalices tamén fixo referencia ao Informe de adquisición de implantes cirúrxicos 2007, tamén presentado recentemente polo Consello de Contas, no que se denuncia que o CHUVI tan só adquiriu por concurso público as lentes e a maioría das adquisicións se efectuaron sen a publicidade e concorrencia que indica a lei.
Fotografía: Archivo GD.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
