domingo, 8 de noviembre de 2026
Diante desta publicación, o Presidente da Deputación Provincial de Lugo, José Ramón Gómez Besteiro, amosou a súa satisfacción pola publicación, indicando que é o primeiro síntoma de José Blanco como responsable do Ministerio de Fomento. Sen dúbida, é unha consecuencia directa a menos dunha semana de tomar posesión como Ministro desde departamento. Non creo nas casualidades e esta, dende logo, non a é.
O prazo de execución previsto da infraestrutura é de 38 meses e o orzamento ascende a 21.453.987 euros. Segundo reflicte a publicación oficial, o contrato podería ser financiado con Fondos FEDER. A data límite de presentación das ofertas ou das solicitudes será o próximo vintesete de maio.
A este respecto, o máximo mandatario provincial subliñou que estou seguro de que ademais de velar polos intereses xerais de todo o territorio estatal, o Ministro de Fomento como bo coñecedor das necesidades de Galicia e, sobre todo, de Lugo, saberá adoptar decisións en consecuencia.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
