domingo, 14 de junio de 2026
O tenente de Alcalde e home forte dos nacionalistas no goberno municipal vigués, Santiago Domínguez Olveira, sinalou que existen varios posibles substitutos da concelleira dimisionaria se ben como queira que a decisión debe ser ratificada polo Consello local do Bng agarda que poida coñecerse o sucesor no prazo de vinte días. En tanto, as competencias de Patrimonio Histórico van ser asumidas polo concelleiro de Cultura, Xesús López.
Elena Maure, arquitecta e urbanista ten colaborado co estudio do arquitecto Cesar Portela, co de Salvador Fraga, e formou parte do equipo redactor do Plan xeral de Ordenación do Concello de Vigo.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
