Noticias

O Partido Popular, a por todas no Parlamento

Todas as comisións do Parlamento galego nesta lexislatura, agás a de Economía, serán presididas polo Partido Popular, en virtude da maioría absoluta que o partido ten na Cámara Galega. A este partido corresponderán, así mesmo, as vicepresidencias. O voceiro do Pp no Parlamento galego ven de presentar na Cámara autonómica a relación de deputados que integrarán as comisións parlamentarias e a Deputación permanente, prevéndose que a constitución destes organismos da Cámara se efectuará o próximo mércores.

Os deputados do PP que presidirán estas comisións serán Agustín Baamonde Díaz a de temas institucionais, Administración xeral, Xustiza e interior; Daniel Varela Suanzes-Carpegna a de Ordenación Territorial, Obras Públicas, Medio Ambiente e Servizos; Susana López Abella a de Educación e Cultura; Miguel Santalices a de Sanidade, Política Social e Emprego; Alberto Sueiro Pastoriza a de Industria, Enerxía, Comercio e Turismo; Raquel Arias a de Agricultura, Alimentación, Gandeiría e Montes e Marta Rodríguez Arias, a de Pesca e Marisqueo. Polo que se refire ás Comisións permanentes non lexislativas, Ignacio López-Chaves Castro presidirá a de control da Crtvg, Pedro Puy Fraga a de relacións co Consello de Contas, e Beatriz Mato Otero a de Asuntos Europeos.

Na Deputación Permanente, polo Partido Popular estarán Alberto Núñez Feijoo, Alfonso Rueda Valenzuela, Pilar Rojo Noguera, José Manuel Baltar Blanco, Carmen Pardo López, José Manuel Balseiro Orol, Susana López Abella, Manuel Ruiz Rivas, Diego Calvo Pouso, Pedro Puy Fraga e Marta Rodríguez Arias. Polo PsdeG-Psoe, Ricardo Varela, Xaquín Fernández Leiceaga, Manuel Vázquez, Mar Barcón, Beatriz Sestayo e Modesto Pose, mentras que polo Bng serán membros Carlos Aymerich, Ana Pontón e Bieito Lobeira.

R., 2009-04-13

Actualidad

O Proxecto Xenoma Galicia permitiu detectar xa 42 persoas con variantes xenéticas de risco entre as 2.504 mostras que se levan analizado

Foto del resto de noticias (proxecto-xenoma.JPG)

O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %. En decembro do ano 2024, botaba a andar o programa coa posta en marcha de dúas probas piloto, consistentes na recollida de mostras de sangue e de saliva.

O Festaclown reúne en Vilagarcía circo de tres continentes nunha edición que reforza a súa dimensión internacional e inclusiva

Foto de la tercera plana (festaclown-2026.jpeg)

O Festaclown volve a converter Vilagarcía de Arousa nun dos puntos de referencia do circo e das artes de rúa en Galicia, entre o 17 ao 22 de agosto, cunha programación que nesta edición reforza especialmente a súa dimensión internacional e o seu compromiso coa inclusión. Compañías e artistas procedentes de Colombia, Arxentina e Australia compartirán cartel con destacadas formacións galegas e do resto do Estado nun programa para todos os públicos que se desenvolverá fundamentalmente ao aire libre en rúas, parques e prazas da cidade.

Notas

A UDC reúne a expertos internacionais para abordar os grandes retos da cosmoloxía no congreso 'New Frontiers in Cosmology'

A Reitoría da UDC acolleu a inauguración do congreso internacional 'New Frontiers in Cosmology', que terá lugar do 10 ao 14 de agosto. Este encontro, organizado polo Centro de Física Cosmolóxica de Berkeley, a Fundación Simons e a UDC, coa colaboración do CITIC, reúne nestes días a máis de 250 persoas investigadoras de referencia internacional no ámbito da cosmoloxía para analizar os principais retos e avances desta disciplina.

USC, Cambridge e o ICANH de Colombia revelan que agricultores prehispánicos foron os artífices dun enorme sistema hidráulico

As comunidades que habitaron Colombia hai miles de anos lograron realizar extraordinarias obras de enxeñaría baseadas na cooperación entre grupos familiares, sen necesidade dun goberno centralizado, segundo demostra un novo estudo que acaba de publicar a revista Communications Sustainability e cuxa autoría corresponde á USC, á Universidade de Cambridge e ó Instituto Colombiano de Antropología e Historia.