lunes, 2 de noviembre de 2026
Nota de prensa remitida por la Asociación de Actores e Actrices de Galicia:
O catálogo on-line da Asociación de Actores e Actrices de Galicia,
logo dun período de proba na páxina web da AAAG, principia o seu
lanzamento con diversos actos dirixidos ós medios, institucións e
empresas do sector audiovisual e das artes escénicas. Logo da súa
presentación en rolda de prensa, na sede da Asociación, na
que participaron representantes dos actores e actrices (Vicente
Montoto e Camila Bossa), da Dirección Xeral de Comunicación (Manuel J. Fernandez Iglesias), do Consorcio Audiovisual de Galicia (Nacho
Varela) e de AISGE (Isabel Blanco), está programado un acto dirixido
ás empresas do audiovisual e das artes escénicas o 4 de
decembro na Coruña, no Cultur.gal 08.
Informouse que as opinións recollidas neste tempo de directores e
directoras de cine, de TV e de casting confirman a percepción que se
tiña desde o inicio da xestación deste catálogo, recoñecido como unha
ferramenta orixinal, innovadora e de grande utilidade na promoción dos
actores e actrices, que facilita o traballo enormemente ás produtoras.
Un dos valores engadidos do catálogo on-line é o de estar deseñado
para a súa actualización permanente. As fotos, os vídeos de cada
ficha, e os currículos, poden ser renovados e postos ó día
constantemente. Todo elo implica evidentemente un esforzo
organizativo, de persoal, e por tanto económico, para a AAAG e para as
entidades que fixeron posible este proxecto.
Sinalouse que a pesar da complexidade técnica e de xestión desta
ferramenta, foi posible alumeala gracias a todos, e especialmente ás
entidades que están comprometidas con esta iniciativa xunto á AAAG: a
Dirección Xeral de Comunicación, o Consorcio Audiovisual de Galicia e
AISGE.
O catálogo, xa integrado na páxina web da Asociación, www.aaag.es, é
visualizado por miles de visitantes, que no futuro, consideran os seus
responsables, verase incrementado cando se dea a a coñecer en tódolos
centros de xeración de traballo para actrices e actores. Coa edición
dun libro que xunto as fotos leva un CD, ponse a disposición do
sector, e dos medios de comunicación, un valioso material.
O Catálogo de Actores e Actrices 2008 da AAAG foi
seleccionado para o libro Web Design by Content 4.0 que sairá
publicado a principios do ano 2009.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
