sábado, 28 de junio de 2025
Nota de prensa remitida por el Gabinete de Comunicación de la Xunta de Galicia:
A III Edición do Concurso de Curtametraxes na Rede Curtas na Rede 08, organizado pola Dirección Xeral de Comunicación Audiovisual e o Consello da Xuventude de Galicia, entra na súa recta final. O luns 8 de setembro remata o prazo para presentar curtametraxes, cápsulas ou micromovies.
Os promotores do certame, a Secretaría Xeral de Comunicación a través da Dirección Xeral de Comunicación Audiovisual, e o Consello da Xuventude de Galicia, destacaron esta mañá a consolidación da iniciativa que, a tres días do seu peche para inscribirse, incrementou nun 50% a participación con respecto á edición do pasado ano. Así, ata o momento téñense presentado 142 curtametraxes, 20 micromovies e 30 cápsulas.
Así mesmo, o director xeral de Comunicación Audiovisual, Manuel José Fernández Iglesias e a presidenta do Consello da Xuventude de Galicia, M.ª Dolores Rodríguez Amoroso, deron a coñecer a Bobi, a estatuíña que se lles outorgará aos gañadores de Curtas na Rede 08. O acto de entrega de premios terá lugar o 29 de outubro no Teatro Colón da Coruña.
Ambos os dous quixeron aproveitar o momento para animar a xente a presentar máis obras antes de que remate o prazo, xa que nesta edición se conta cunha elevada contía de galardóns que se eleva nun 40% con respecto á edición anterior.
A categoría estrela do concurso é a de curtametraxes na que o ano pasado participaron 78 proxectos. Os inscritos deben realizar unha curta inédita que non poderá exceder os cinco minutos de duración e que deberá versar sobre as temáticas de inmigración, saúde e sexualidade e visións nosas/ visións alleas (temática libre). Ademais desta categoría, e coa mesma limitación e duración, este ano incorpórase a categoría de curtametraxes de animación de temática e xénero libre. Completan o concurso dúas categorías máis, a de micromovies e a de cápsulas. A categoría de micromovies responde a traballos realizados coa cámara do teléfono móbil que non poderán exceder os 30 segundos de duración. Neste caso, a temática e o xénero son libres.
As cápsulas son unha nova modalidade de categoría baseada en pezas curtas cunha duración non superior aos tres minutos, na que se establecen tres subcategorías: musicais, promos e cápsulas de lingua. Ademais do anterior, as persoas inscritas no concurso, ao igual que o ano pasado, terán a posibilidade de crear unha bitácora de rodaxe. Ademais do anterior, pretendese seguir potenciando a páxina web creada con motivo do concurso www.curtasnarede.es que este ano integrará novas ferramentas como os videopodcast.
En canto aos premios, este ano aumenta a contía nun 40% con respecto á pasada edición. Así, contase cun total de 35.000 euros a repartir entre as diferentes categorías. Cada unha destas recibirá un máximo de 1.500 euros agás a categoría de animación que recibirá un tratamento especial tendo en conta o grande esforzo que implican os traballos. Así, neste formato, o primeiro premio estará dotado con 3.000 euros, con 1.000 o 2º, e con 500 o 3º. Como novidade para esta terceira edición atopase o premio especial do xurado e do público, así como os premios ao mellor guión e á mellor dirección.
Como broche final a esta edición, organizouse unha conferencia ofrecida polo director Guillermo Zapata, autor da curta Lo que tú querías oír, que a día de hoxe xa leva máis de 76 millóns de descargas a través da rede. No acto, que ten lugar no Club Internacional de Prensa, proxectáranse, ademais da exitosa curta, outra tamén da súa autoría chamada Y todo va bien.
Tras as proxeccións, Zapata dará conta do proceso de produción das súas obras e da súa promoción en internet. A convocatoria diríxese interesados no mundo da creación audiovisual e multimedia, que obterán pistas para moverse con máis soltura e éxito por internet.
Galicia reforza por terceiro curso consecutivo o seu liderado na taxa de escolaridade de 0 a 3 anos e achégase ao 65 %, máis de 15 puntos por riba da media de España, segundo os últimos datos oficiais que vén de publicar hoxe o Ministerio de Educación, Formación Profesional e Deportes. Deste xeito, Galicia segue sendo a comunidade autónoma onde máis familias poden acudir a unha escola infantil totalmente gratuíta. As cifras oficiais revelan que Galicia rexistrou no curso 2024-2025 unha taxa do 64,3 % de escolarización, máis de catro puntos por riba do 60,6 % acadado no período anterior. Esta porcentaxe mantén á comunidade ao nivel dos países con maiores índices de benestar en Europa, como Suecia ou Dinamarca.
No marco do Plan de Actuacións da Xunta de Galicia fronte aos posibles efectos das altas temperaturas sobre a saúde, vénse de activar o nivel 1 de alerta a diversas áreas da comunidade autónoma por episodio de calor. Meteogalicia informa que a partir da xornada do venres 27, as altas presións volverán localizarse ao norte da península Ibérica, achegando unha masa de aire moi cálida de orixe norteafricana. Isto fará que as temperaturas experimenten significativos ascensos, tanto nos valores mínimos como nos máximos. Este ascenso de temperaturas comezará a notarse desde ese mesmo día, cando en moitos puntos de Galicia se superarán os 30ºC, e mesmo os 35ºC, en puntos do interior.
