viernes, 19 de junio de 2026
Nota de prensa remitida por el Gabinete de Comunicación de Ficción Producciones:
Logo dun exitoso periplo de proxeccións por terras galegas e de alén, o telefilme A Mariñeira vén de ser seleccionado en tres novos festivais de prestixio: o Prix Europa, o Festival de Cine de Ourense e o Golden Chest Festival de Bulgaria.
Tras acadar o premio Gold Remi na categoría de ouro na 41 edición do WorldFest Houston Film Festival, o máis antigo do mundo de Cine e Vídeo independente-, o telefilme A Mariñeira quere continuar a súa galardoada singradura polos festivais de todo o mundo. Desta vez foi seleccionado no Prix Europa de Berlín (en sección fóra de competición), no Festival de Cine de Ourense (dentro da sección Memoria Histórica da sesión non competitiva) e no Golden Chest Festival de Bulgaria. Neste último será proxectada o día 24 de Setembro, e contará coa presencia da súa protagonista, Camila Bossa e un representante da TVG. En todas as citas será proxectada na súa lingua orixinal, o galego, e con subtítulos.
A Mariñeira é un telefilme rodado durante os meses de Xuño e Xullo e producido por Ficción Producciones, a TVG, a Consellería de Cultura, Diagonal TV, a Televisión de Catalunya e o ICIC. A rodaxe levouse a cabo nas localidades de Quilmas, O Pindo, Corcubión e Dumbría.
O devandito telefilme, dirixido por Antón Dobao e filmado en galego, está baseado nun relato literario de Darío Xohán Cabana titulado A Mariñeira de Quilmas que se basea en feitos reais, destinados quizais a se diluíren co paso das xeracións, e pertence ó proxecto Un mundo de historias, denominación que agrupa unha liña de traballo organizada arredor da translación a imaxes de obras da literatura galega.
Un proxecto de alto valor cultural que permitiu levar a un medio popular, como é a televisión, obras de insignes escritores galegos.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
