sábado, 8 de agosto de 2026
Asuntos Marítimos, Carmen Gallego Calvar, mantivo en Santiago
unha xuntanza con representantes da frota de arrastre de litoral e dos sindicatos (CIG, UXT e CC.OO) para poñer en marcha a elaboración dun Plan Director para este segmento de actividade, de cara a garantir a súa rendibilidade e competitividade nos vindeiros anos. Esta reunión, na que tamén participou o director xeral de Estruturas e Mercados da Pesca, José Manuel López Rodríguez, é o primeiro de varios encontros nos que a Administración pesqueira galega tratará de consensuar un documento no que se analicen en profundidade as debilidades e retos de futuro que se deberán afrontar e as iniciativas que se poderán desenvolver.
Na xuntanza, Carmen Gallego destacou que a partires da formalización do grupo de traballo para a elaboración do Plan Director do Arrastre, imos ter un calendario moi intenso de reunións de aquí e ata finais de ano. O obxectivo é comezar de inmediato a poñer en marcha as modificacións de carácter lexislativo, tanto a nivel estatal como autonómico, que se consideren necesarias.
Así mesmo, con este documento preténdese incidir moito nos tempos de traballo da frota de arrastre de litoral, na comercialización e na identificación dos produtos de calidade, para poder así, pola vía dos ingresos, compensar as fortes subidas do prezo do combustible, que afectan moi especialmente ao sector do arrastre.
Cambios significativos
Carmen Gallego destacou que neste segmento de frota hai que traballar en cambios vencellados cos tempos e formas de traballo actuais, así como con cambios normativos. De feito, con respecto a esto último, explicou que haberá unha xuntanza na que se abordarán, de xeito específico, as posibles modificacións da lexislación vixente, tanto estatal como autonómica. Ademais, engadiu que as propostas de cambio teñen que partir do propio sector pois son eles os que saen todos os días ao mar e os que saben os problemas reais cos que se atopan cando están faenando.
A titular de Pesca insistiu en que todas estas medidas téñennos que levar a ser capaces de acadar un sector que teña estabilidade económica, que sexa competitivo, e que, á vez, sexa respectuoso cos recursos e coa situación actual dos mesmos.
Tamén explicou que, ao contrario do que acontece co cerco, a frota de arrastre de litoral está suxeita ao Plan de Recuperación da Cigala e da Pescada en Augas Ibéricas e, polo tanto, ten un tratamento específico no Fondo Europeo da Pesca (2007-2013). Deste xeito, o Plan Director do Arrastre non terá que ser presentado a Bruxelas, aínda que terá que achegarse ao Goberno de España para que valore as modificacións que se propoñan da lexislación estatal.
Mesas de traballo con todos os segmentos de frota
Este Plan Director do Arrastre sumarase a outro destinado á frota do cerco no que xa se está traballando de cara a acadar puntos de encontro entre as partes implicadas. Así, con estes dous documentos darase cumprimento ao compromiso adquirido pola propia Conselleira de Pesca de elaborar senllos programas para as frotas de cerco e de arrastre co obxectivo de asegurar a súa viabilidade.
A responsable do departamento de Pesca quixo facer fincapé en que, pouco a pouco, como xa fixemos co cerco e facemos agora co arrastre, iremos segmento a segmento de frota poñendo en marcha estas mesas de traballo para que, entre todos, sexamos capaces de facer que as empresas pesqueiras galegas teñan un grande futuro por diante.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
