martes, 28 de abril de 2026
Vén de pecharse a rodaxe do filme documental Cantos rodados, dirixido por Xoel Méndez e producido por Ficción Producciones. Esta fita quere ser un chamamento a prol da integración social dos diminuídos intelectuais, a través da experiencia do centro de integración San Xerome Emiliani, na Garda.
A música amansa as feras pero... quen amansa a música? No ano 2003 impartiuse no San Xerome un taller de musicoterapia que tivo un desenlace inesperado. Generoso descubriu a súa innata destreza para a percusión. Malia a súa discapacidade severa, que non lle permite tan sequera manter a verticalidade e lle anula case por completo a visión, Generoso amosouse perfectamente capaz de tocar este instrumento, e mesmo cun sentido do ritmo e unha entrega envexables.
Froito deste descubrimento naceu Xerock, unha banda de sanación e meditación composta -amáis de Generoso- por Vanesa, Borja, Carliños e Álvaro, alumnos do San Xerome, e os traballadores do centro Ciano e Víctor, dous guitarristas que cazaron o talento desta tropa e foron detrás. Ata hoxe, que Xerock xa ten un disco editado e numerosos concertos no seu caderno de bitácora. Nun deses concertos, colofón da fita, comparten escenario con The Ellas, o grupo de Luís Tosar. O actor galego é un vello coñecido e fan de Xerock.
Cantos rodados é un proxecto documental concebido a xeito de traballo de campo. Ao longo de tres meses, cun equipo técnico reducido para acadarmos menor impacto ambiental, rexistramos os ensaios, as luces e as sombras dun colexio, o San Xerome, que ferve a cotío. A estrea do filme está prevista para o vindeiro verán.
En clave de cinema directo e á marxe de estrictas tipoloxías, Cantos rodados quere ser un documental creativo que combina a ortodoxia do compromiso cos feitos, coa experimentación do cinema de autor dos nosos días. Cantos rodados quere somentes trasladar a mensaxe dos Xerock, destes rapaces luídos polos infortunios da xenética e que son todo un exemplo de vitalidade, de loita e de actitude rockeira.
Porque o home aínda ten que aprender a ser humano.
O FaCeLa Fest reúne este ano a 18 bandas, encabezadas polos ingleses Temples, os galegos Triángulo de Amor Bizarro, os asturianos Australian Blonde e as madrileñas Shego. Completan o cartel o novo proxecto lucense The Foolans, Bernal, Axolotes Mexicanos, Los Palms, Pacífica, Ripship, Error 97, Sigilu, Filophóbicas, Toldos Verdes, Las Yhadys, Aeronave Adolescente, Fotocopia e Sapo Bufo. O escenario principal trasládase nesta edición á Sala Tebras pero haberá tamén concertos noutros espazos da cidade, como o Bar Facela, no barrio da Tinería.
Galicia aposta por ampliar as melloras no ensino tamén ás etapas de ESO, Bacharelato e Formación Profesional con novas propostas en materia de ratios, atención á diversidade e horario docente, dentro da vía de diálogo aberta entre Xunta e sindicatos. As propostas, que se elevarán aos órganos pertinentes coa previsión de comezar a aplicalas desde o novo curso que arranca en setembro, abordan melloras nas ratios de estudantes por aula na ESO e no Bacharelato, na atención que se presta ao alumnado que máis o precisa e na configuración do horario do profesorado e das súas funcións.
