sábado, 8 de agosto de 2026
La ministra de Fomento y el presidente de la Xunta presentan la aeronave Rosalía de Castro: un nuevo instrumento para mejorar la seguridad de los marineros y para proteger las costas. La aeronave, con base en Santiago de Compostela, tendrá como principales tareas, la vigilancia del tráfico marítimo de la fachada galaico-cantábrica y la realización de misiones de búsqueda, rescate, salvamento marítimo y lucha contra la contaminación.
Nota de prensa remitida por el Gabinete de Comunicación de la Xunta de Galicia:
O presidente da Xunta, Emilio Pérez Touriño, salientou que coa entrega do novo avión Rosalía de Castro, o Plan de Salvamento Marítimo recibe un novo impulso ao contar cun novo instrumento ao servizo do salvamento, da busca e do rescate, da mellora da seguridade da nosa xente do mar e da protección contra a contaminación nas nosas costas. Así o subliñou o presidente galego, Emilio Pérez Touriño, logo de presidir, xunto coa ministra de Fomento, Magdalena Álvarez, o acto de entrega do novo avión CN-235-300 Rosalía de Castro, destinado á patrullaxe marítima, localización de sinistros, detección de contaminación e busca de náufragos.
Trátase, segundo explicou o máximo mandatario autonómico, dunha aeronave con sede en Santiago, que terá como principais cometidos vixiar o tráfico marítimo da fachada galaico-cantábrica e cumprir coas misións de busca, rescate, salvamento marítimo e loita contra a contaminación.
O avión está equipado con Sistema Táctico Totalmente Integrado, o máis moderno e capaz actualmente en servizo en todo o mundo, en palabras da ministra Magdalena Álvarez. Ademais, pode permanecer no aire en tempo superior ás nove horas, intervir en operacións cun alcance de 3.706 quilómetros e un radio de acción de 1.853, cunha velocidade de 437 quilómetros por hora. Os seus equipos son os máis modernos do momento, tanto para os labores de salvamento como para a loita contra a contaminación.
Sistema de salvamento á altura do século XXI
Na súa intervención, o xefe do Executivo autonómico quixo recoñecer o moi importante esforzo que está a realizar o Goberno de España e, en particular, o Ministerio de Fomento, nunha área altamente sensible para a nosa comunidade.
Hoxe é un día importante para a xente do mar, para todo o país, para a cidadanía e, desde logo, un día de alegría para o Goberno que presido, insistiu o mandatario autonómico lembrando que a ministra está a impulsar persoalmente e de maneira privilexiada, como nunca antes se fixo na historia da Comunidade, que Galicia conte cun servizo marítimo de prevención, de resposta, de salvamento á altura do século XXI e ao servizo das nosas xentes e das nosas necesidades.
Sen dúbida aseverou Touriño-, hoxe temos os recursos que antes non tiñamos, un potente servizo de Salvamento Marítimo, eficazmente dotado, con instrumentos moi potentes, remolcadores moi ben dotados, helicópteros como o Helimer, aeronaves como a que hoxe vén a Galicia e que vai permitir dar un salto na seguridade e na loita contra a contaminación extraordinario.
Colaboración conxunta
O presidente da Xunta tamén se referiu no seu discurso á colaboración continua existente entre o Goberno de España e a Xunta, e lembrou que no ámbito de salvamento marítimo existe unha complementariedade desde a Comunidade galega ás actuacións realizadas polo Executivo central. Traballamos na mesma dirección e coordinadamente, cooperando e traballando no mesmo esforzo, no mesmo acento e na mesma dirección, insistiu, lembrando que Galicia ten 141 axentes activos, nove bases operativas e dous remolcadores, unha flota importante que acompañan aos mesmos, e dous helicópteros que traballan cos medios que achega o servizo nacional.
Ao final a política é un esforzo de cooperación conxunta e de compartir e traballar na mesma dirección: o obxectivo é salvagardar as costas e as vidas das nosas xentes, argumentou, explicando que existe un Plan Nacional de Continxencias, un Plan territorial e un Mando Único que permite dar unha resposta integral, ordenada e ben coordinada ante as distintas situacións de emerxencia.
O nome de Rosalía de Castro
Pola súa banda a ministra de Fomento quixo remarcar o feito de que o novo avión de Salvamento Marítimo leve o nome de Rosalía de Castro, dunha galega -sinalou-, especialmente querida polo que significou para Galicia, pola súa proximidade aos cidadáns, pola súa tenacidade, polo amor á terra, polo seu labor en todo o ámbito social e pola súa capacidade de reivindicar.
Así mesmo, Magdalena Álvarez explicou que a tecnoloxía que leva incorporada este avión é a primeira existente no mundo, xa que practicamente non existe ningún país que teña estas características tanto no que a salvamento de náufragos, como a localización de barcos a longa distancia como á calibraxe de calquera incidente de contaminación se refire. Neste último aspecto abondou en que a aeronave é capaz de recoñecer o tipo de material contaminante, o seu grosor e mesmo o xeito de tratalo.
Cumprindo con Galicia
Magdalena Álvarez quixo, por último, remarcar que do Plan de Salvamento Marítimo, dotado con 1.000 millóns de euros, xa está executado o 52% do investimento. Así mesmo, incidiu en que, deste orzamento, o 20% se está a executar na Comunidade galega o que supuxo, segundo explicou, un buque polivalente cunhas prestacións impresionantes, un avión o presentado hoxe-, previamente outro que estivo operando ata que foi substituído por este, unha salvamar de máis eslora (había unha de 15 e agora é de 21). En definitiva, argumentou, Galicia conta hoxe cunha base loxística e unha serie de elementos ao servizo do salvamento marítimo.
Hoxe, un día máis, cumprimos o noso compromiso con Galicia, non con palabras, senón co que é moito máis importante, cos feitos, aseverou a ministra de Fomento, lembrando que cada pouco tempo acode a Galicia para presentar todo aquilo que nos comprometemos a facer e que estamos facendo, concluíu.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
