jueves, 28 de mayo de 2026
O director xeral de Cultura, Anxo M. Lorenzo, participou hoxe na presentación da programación do Festival Outono Lírico 2026, unha iniciativa impulsada pola Asociación Amigos da Ópera de Vigo co apoio da Xunta de Galicia, que permitirá gozar nesta edición, na cidade olívica, da ópera Don Giovanni, de Mozart, e da actuación de grandes voces internacionais actuais deste xénero.
Na súa intervención, o representante da Consellería de Cultura, Lingua e Xuventude sinalou o compromiso do Goberno galego coa promoción da diversidade musical, e de calidade, nos seus diferentes xéneros, como neste caso a lírica, coa presenza dun repertorio excelso e presenza de figuras consagradas, salientou. Ao respecto, puxo de exemplo o impulso que desde a Xunta se fai a este tipo de certames e de programación cultural que a inclúan e a difundan por todo el territorio.
Anxo M. Lorenzo salientou entre as citas destacadas que, entre setembro e novembro, programará este festival, a representación, o día 1 de novembro, de Don Giovanni, unha das obras máis influíntes e complexas da historia da ópera, que se ofrecerá na versión orixinal estreada en Praga, e coa participación da orquestra e coro GAOS.
Ademais, tamén destacou o recital do 12 de setembro do tenor Jorge de León e o barítono Juan Jesús Rodríguez, acompañados ao piano por Juan Francisco Parra. O concerto incluirá romanzas e dous de títulos fundamentais do repertorio italiano e verista como Aida, Otello, Pagliacci, Andrea Chénier, Don Carlo e Un Ballo in Maschera.
Actuación de grandes voces internacionais
Ambos os dous artistas son figuras de renome internacional, xa que Jorge de León é un referente do tenor spinto-dramático, mentres que Juan Jesús Rodríguez é aclamado como un dos barítonos verdianos máis importantes da súa xeración.
De igual xeito, o director xeral de Cultura destacou da programación do Outono Lírico 2026, o recital do 30 de setembro do tenor Celso Albelo e a soprano Desirée Rancatore, con Juan Francisco Parra, novamente ao piano. Segundo adiantou, este concerto estará dedicado ao bel canto italiano e ao repertorio romántico francés, interpretando escenas e arias de óperas como L'elisir d'amore, Lucia di Lammermoor, Don Pasquale, La Bohème, Werther e I Capuleti e i Montecchi.
A programación completarase coa representación de Tristana, o 11 de outubro, considerada a última gran ópera de cámara contemporánea española. Tamén formarán parte das actividades do festival, o recital Novas Voces e ciclos de ópera centrados no cinema ou o especial Falamos de coa participación do escritor e divulgador musical Ramón Gener.
Asociación Amigos da Ópera e o Outono Lírico
A Asociación de Amigos da Ópera de Vigo é unha entidade sen fin de lucro que naceu en 1958, ano do seu primeiro festival que se inaugurou con grandes clásicos do xénero como Manon, Tosca, Traviata e Butterfly, interpretados por figuras internacionais. Ten como finalidade fomentar a ópera, organizar representacións deste espectáculo en Vigo, así como promover ou cooperar en calquera actividade vinculada coa música e as demais artes no seu máis amplo sentido.
Por este motivo, en 2011, impulsou a creación do Festival Outono Lírico, certame onde teñen actuado figuras nacionais e internacionais como Nancy Fabiola Herrera, Ramón Vargas, Ismael Jordi, Sabina Puértolas, Ruth Iniesta, Alejandro Roy, Mariña Monzó, Luis Pousado, José Antonio López, Maribel Ortega ou Jesús León, entre outros.
Foto: Wikipedia
Foi presentada a programación do Festival Outono Lírico 2026, unha iniciativa impulsada pola Asociación Amigos da Ópera de Vigo que permitirá gozar na cidade olívica da ópera Don Giovanni, de Mozart, e da actuación de grandes voces internacionais actuais. Entre as citas destacadas que programará este festival, cabe salientar a representación, o día 1 de novembro, de Don Giovanni, unha das obras máis influíntes e complexas da historia da ópera, que se ofrecerá na versión orixinal estreada en Praga, e coa participación da orquestra e coro GAOS. Tamén destaca o recital do 12 de setembro do tenor Jorge de León e o barítono Juan Jesús Rodríguez.
Co recoñecemento de Amescruz, Sociedade Cooperativa Galega como nova Organización de Produtores Pesqueiros, coa denominación de OPP-99, Galicia lidera o número de OPP de ámbito autonómico no conxunto do Estado, unha proba máis de que a nosa comunidade mantén o seu papel de referente no ámbito pesqueiro e acuícola. Das 32 entidades existentes en España, dez sitúanse en Galicia, é dicir, case o 33 %. As Organizacións de Produtores Pesqueiros son entidades recoñecidas oficialmente no marco da Política Pesqueira Común da UE. A súa finalidade é contribuír á xestión sostible dos recursos mariños, favorecer unha mellor planificación da produción e reforzar a comercialización dos produtos da pesca e da acuicultura.
