lunes, 2 de marzo de 2026
O esforzo investidor da Xunta, tal e como detallou o presidente, acada o 14,6% e o aforro bruto os 1.359 millóns de euros, 'o que permite financiar maiores investimentos sen necesidade de acudir ao endebedamento'. A solvencia financeira de Galicia fai posible reforzar 'a prestación de servizos de carácter social', apuntou; isto é, o gasto en sanidade, en educación, en políticas sociais, en vivenda e en I+D+I, ademais de seguir entre as comunidades autónomas máis investidoras.
Polo que se refire aos ingresos, acadan unha execución do 98,8%, destacando os tributarios, que medran un 6%, cunha recadación de 8.371 millóns de euros. Ingresáronse 348,5 millóns máis que no ano 2024, un 2,6% a maiores. No caso dos ingresos correntes, a súa execución elevouse ata o 101,7%, cun bo comportamento en todos os capítulos. Os datos confirman a prudencia coa que se elaboran as contas autonómicas e a solvencia dos seus resultados.
Redución da ratio de débeda sobre o PIB
O documento destaca tamén que o sólido e continuado crecemento económico de Galicia, xunto ao bo desempeño orzamentario e o moderado nivel de débeda, levou ás axencias de cualificación S&P e Moody´s a mellorar en 2025 as súas avaliacións da calidade crediticia da Comunidade (A+ e A3), o que se traduce nunha baixada do índice de débeda sobre o PIB de 0,7 puntos nun só ano, reducíndose ata o 13,9%. Galicia, polo tanto, non precisa unha condonación da débeda e 'acada ese obxectivo fixado para 2029 de estar por debaixo do 14% catro anos antes', destacou Alfonso Rueda.
A redución acadada mellora a estimación prevista no Plan Estratéxico de Galicia 2030 para este exercicio, que era dun 16,0 %. En cinco anos, a Xunta reduciu un 29% a ratio de débeda sobre o PIB.
Por último, Galicia segue sendo, un ano máis, un referente entre as comunidades que máis rápido pagan aos seus provedores, situando a media anual ata novembro do 2025 (último mes con datos publicados) nos '15,3 días, case 11 menos que o promedio estatal (26,1 días)', indicou.
En definitiva, Rueda destacou que o Goberno galego pechou o ano 2025 cun 'saldo fiscal positivo do 0,11 % do PIB, mellorando as previsións iniciais', nas que se contemplaba un obxectivo de déficit cero, obtendo unha capacidade de financiamento de 96 millóns de euros e executando o 97,4 % do presupostado.
Faino, ademais, cumprindo as regras fiscais tanto no obxectivo de estabilidade como no obxectivo de débeda, axustándose á regra de gasto europea e, por segundo ano consecutivo, sen recorrer ao déficit.
A Filmoteca de Galicia programa en marzo unha carteleira marcada polo inicio dun ciclo dedicado ao cineasta alemán Rainer Werner Fassbinder, que se prolongará ata maio, e pola celebración dunha nova edición de Olladas de muller en colaboración co Consello da Cultura Galega. Ao tempo, a Sala José Sellier acolle o peche do especial Béla Tarr / László Krasznahorkai, tres miniciclos de dúas sesións con presentacións e coloquios e novas propostas de Fóra de serie, Off Galicia, Filmoteca Júnior e Materiais para unha historia do cine en Galicia. A partir do 17 de marzo, a cinemateca da Xunta inicia Rainer Werner Fassbinder (I) cun primeiro bloque de proxeccións con versións restauradas que abre o ciclo sobre o realizador xermano, un dos principais representantes do Novo Cinema Alemán dos anos sesenta e setenta.
O presidente da Xunta, Alfonso Rueda, destacou que Galicia pechou o 2025 nunha situación de 'equilibrio', mantendo un 'alto nivel de execución orzamentaria e sen déficit', o que permitiu reforzar as políticas de gasto en servizos públicos. Así o reflicte o informe presentado ao Consello da Xunta pola Consellería de Facenda relativo ao avance de peche do exercicio do pasado ano. O documento destaca a execución dos gastos correntes, vinculados principalmente aos servizos públicos, que chegou ao 106% dos créditos iniciais, aumentando en 555 millóns de euros. Reflicte, tamén, a boa execución do orzamento, que se sitúa no 97,4%, e dos fondos propios, que chega ao 101% dos créditos iniciais.
