martes, 22 de septiembre de 2026
O director xeral de Cultura, Anxo M. Lorenzo, presentou hoxe Ante a Lei, a nova exposición do Centro Galego de Arte Contemporánea que quedará inaugurada esta tarde e na que se exhiben as obras más recentes do artista catalán Lluís Hortalà.
Tal e como explicou o representante da Consellería de Cultura, Lingua e Xuventude, esta é unha das 70 propostas incluídas no programa As exposicións de 2026 como motor cultural da Galicia Calidade coas que a Xunta de Galicia busca fomentar o acceso á cultura e contribuír á formación da cidadanía. Con Ante a Lei ofrecemos unha nova posibilidade para que tanto a sociedade galega como a xente que nos visita se acheguen a este gran referente cultural e turístico que é o Centro Galego de Arte Contemporánea, apuntou Anxo M. Lorenzo.
Así, a mostra que se pode visitar desde hoxe ata o 31 de maio no centro cultural de Santiago de Compostela reflicte, segundo apuntou o director xeral, a pintura realista ata o extremo e o universo kafkiano do artista Lluís Hortalà. Trátase, engadiu, dunha instalación ideada por capítulos na que cada un deles anuncia e enlaza sucesivamente co seguinte ata trazar un itinerario cronolóxico que convida a inmersión e a reflexión. Deste xeito, o percorrido permite coñecer algúns dos seus últimos traballos, incluíndo os creados ex profeso para o Centro Galego de Arte Contemporánea.
Pintura realista ata o extremo e riqueza de linguaxes
Con respecto da obra de Hortalà, o director xeral de Cultura salientou o uso que fai da forza simbólica que posúe a arquitectura á hora de construír o relato expositivo, ao tempo que enxalzou a habilidade que posúe para levar a pintura realista ata o extremo, capaz de reproducir visualmente o tacto e mesmo, en ocasións, a temperatura fría da arquitectura, enxalzou.
Do mesmo xeito, salientou a ironía que está presente en moitas das pezas desta obra, ao tempo que puxo en valor o xogo sobre as aparencias ou a réplica da realidade coa que traballa, onde recorre ao espellismo, a ilusión óptica ou a imitación e o artificio, precisou. Ademais, tamén gabou a súa riqueza de linguaxes, que van desde a pintura escultórica, ao debuxo fotográfico sen empregar nunca a fotografía ata a imaxe en movemento.
Sobre Lluís Hortalà
Hortalà estudou na Escola de Artes e Oficios de Olot e na de Belas Artes de Sant Jordi de Barcelona. Os seus inicios como artista estiveron marcados pola produción escultórica. Tras instalarse en Londres realizou diversas series de paisaxes imaxinarias e iniciou un ciclo de traballos baseados na súa experiencia como alpinista entre 1975 e 1982, período no que participou nunha expedición ao Everest. En 2012, mostrou unha importante selección destes traballos no Centro de Arte y Naturaleza, na Fundación Beulas de Huesca e, en 2015, presentou a exposición Les Temptacions no Museu de Montserrat.
Entre 2014 e 2015 estudou técnicas de pintura antiga, imitación de mármores e madeira, baseadas en procedementos de trompe loeil, na academia Van der Kelen-Logelain de Bruxelas. A partir de entón, desenvolveu diversas series que, tomando en consideración a arquitectura e a ornamentación, propoñían unha visión crítica. Estas investigacións adoptaron xeralmente a forma de instalacións, que teñen sido exhibidas en espazos como o Museo Nacional Thyssen-Bornemisza de Madrid ou a Fundació Vila Casas de Barcelona.
A súa obra forma parte de numerosas coleccións públicas e privadas, entre elas as do Museo Nacional Centro de Arte Reina Sofía de Madrid ou Museu dArt Contemporani de Barcelona.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
