viernes, 6 de noviembre de 2026
Esta ruta comezou a realizarse en 2023, coincidindo coa época de floración desta planta e pon en valor unha das especies máis características de Galicia, a onde chegou a finais do século XVIII. A súa entrada fíxose a través precisamente das casas e pazos da nobreza, aínda que xa pouco despois se espallou por toda a comunidade.
A edición de 2026 dos Trens Turísticos de Galicia ten previstas un total de 2.530 prazas, repetindo as mesmas 13 rutas que en 2025. Ademais da Ruta da Camelia, en xuño inícianse as Rutas dos Faros (con saídas en xuño, xullo, agosto e setembro); a da Ribeira Sacra polo Sil (en xuño, xullo, agosto e de setembro); a da Ribeira Sacra polo Miño (en xuño e setembro); e a dos Mosteiros (con saídas en xuño e xullo). A partir do mes de xullo comezan as Rutas de Valdeorras-Ribeira Sacra; a das Rías Baixas, e a do Ribeiro-Rías Baixas. No mes de agosto saen as Rutas das Mariñas; a dos Pazos e Xardíns; a de Monterrei; a do Museo MEGA e A Coruña de 1906; e a dos Queixos.
Iniciativa consolidada
Os Trens Turísticos de Galicia son xa unha cita de éxito na programación turística en Galicia. En 2025 acadou máis dun 92% de ocupación, con algunhas rutas nas que case se esgotaron a totalidade das prazas, como a dos Queixos, as de Ribeira Sacra do Miño e o Sil, a das Rías Baixas e a dos Faros. Precisamente esta última foi galardoada co premio 'Tourism-Friendly' na categoría de viaxes de curta distancia, convocado pola Unión Internacional de Ferrocarrís (UIC).
A iniciativa alíñase coa Estratexia de Turismo 2030 da Xunta de Galicia, que fai da sustentabilidade unha das súas claves. Ademais, permite avanzar na desestacionalización do destino, ao propoñer viaxes en datas fóra da tempada alta. Tamén abunda na redistribución da oferta, achegando a turistas a destinos máis aló dos lugares de maior demanda.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
