martes, 9 de junio de 2026
O director xeral de Pesca, Acuicultura e Innovación Tecnolóxica, Isaac Rosón, mantivo unha reunión con representantes da Fundación Nueva Pescanova para abordar a organización da edición deste ano do Global Sustainable Seafood Galicia Forum, que se celebrará en Vigo o vindeiro 28 de abril e no que volverá colaborar a Consellería do Mar.
Durante o encontro, ambas partes avanzaron nos preparativos dun foro que se consolidou como unha cita de referencia internacional para o debate sobre o futuro do sector pesqueiro e acuícola, coa sustentabilidade, a innovación, a ciencia e a cadea de valor dos produtos do mar como eixos centrais. A Xunta reafirmou o seu compromiso con esta iniciativa, mantendo a súa achega económica.
O Global Sustainable Seafood Galicia Forum reúne cada ano en Galicia a representantes institucionais, científicos, empresas, organizacións profesionais e expertos internacionais para analizar os retos e oportunidades do sector, poñendo en valor o papel da pesca e da acuicultura como actividades estratéxicas para a seguridade alimentaria, o desenvolvemento económico e a cohesión territorial.
A Consellería do Mar destacou a importancia de seguir apoiando este tipo de espazos de diálogo e reflexión, que contribúen a reforzar a posición de Galicia como referente europeo e internacional no ámbito da pesca sostible e da transformación e comercialización de produtos pesqueiros.
Esta edición do foro volverá situar Vigo como punto de encontro global do sector, favorecendo a proxección exterior da cadea mar-industria galega e o intercambio de coñecemento arredor dos principais desafíos aos que se enfronta nun contexto marcado polo cambio climático, a evolución dos mercados e as novas esixencias normativas.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
