domingo, 14 de junio de 2026
O conselleiro de Cultura, Lingua e Xuventude, José López Campos, acompañado polo director xeral de Cultura, Anxo M. Lorenzo, inaugurou hoxe a exposición Internalities. Arquitecturas para un equilibrio territorial que inicia a programación do 2026 no Centro Galego de Arte Contemporánea e que chega a Galicia tras representar a España na 19ª edición Bienal de Arquitectura de Venecia 2025.
Durante o acto de apertura, o representante de Cultura do Goberno galego convidou á cidadanía a achegarse o Centro Galego de Arte Contemporánea para gozar desta exposición e festexar xuntos o recente recoñecemento como insignia da cultura galega outorgado polo Observatorio da Cultura. É unha honra para todos os galegos que a Fundación Contemporánea decidise recoñecer este espazo esencial para a nosa cultura e os nosos creadores e que fai posible poñer a disposición de todo o público galego mostras internacionais como esta, explicou López Campos.
Neste senso, o museo da Xunta inicia a programación de 2026 co proxecto Internalities. Arquitecturas para un equilibrio territorial, impulsado polo Goberno do Estado en colaboración con Acción Cultural Española. Trátase dunha mostra que, tal e como explicou o representante da Xunta, permite ollar os desafíos aos que deben responder as novas xeracións de arquitectos que se mostran sensibilizados coa realidade ambiental", xa que a proposta pon en valor o emprego de recursos locais, rexenerativos e de baixa pegada de carbono dunha nova xeración de estudos de arquitectura españois.
Neste senso, o conselleiro de Cultura aproveitou para agradecer e felicitar os comisarios da exposición, os arquitectos galegos Manuel Bouzas e Roi Salgueiro, por crear un espazo de encontro entre os profesionais e o público que permita crear diálogos e sinerxias que nos permitan seguir avanzando social e culturalmente.
Internalities. Arquitecturas para un equilibrio territorial, que poderá visitarse ata o 3 de maio, divídese en dúas áreas. A primeira delas, titulada Balance, inclúe 16 obras construídas de arquitectura, paisaxismo e espazo público. O segundo espazo desenvolve investigacións sobre cinco eixos fundamentais para reducir as emisións do sector da construción: materiais, oficios, enerxías, residuos e emisións. Cada un destes eidos explórase en relación con cinco xeografías diferentes da península ibérica e está coordinado por un equipo de arquitectos-investigadores especializados neses temas e áreas xeográficas.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
