viernes, 6 de noviembre de 2026
Os hoteis e pensións ingresaron o pasado ano máis de 451,2 millóns de euros, un 5,2% máis que en 2024. A rendibilidade do sector incrementouse en 2025 o 7% con respecto ao ano anterior.
Ao número de viaxeiros aloxados en establecementos hoteleiros e extrahoteleiro súmanse os que fixeron noite en vivendas de uso turístico e elevan o cómputo global aos 8,8 millóns de visitantes.
Por tipo de establecementos, os viaxeiros aloxados en hoteis e pensións medraron en 2025 un 1,8%, mentres que os que o fixeron en cámpings, turismo rural, e albergues, entre outros fixérono nun 4%.
Neste período, o 71% da demanda coresponde ao turismo de ámbito nacional, que engloba o dos residentes en Galicia c 24% e o procedente doutras comunidades que se sitúa no 47%. O turismo internacional absorbe en 2025 o 29% da demanda turística.
En cifras globais, o mercado nacional computa 6,4 millóns de noites, cifra que alcanza o seu máximo histórica na serie de rexistros mentres que o internacional achégase aos 4 millóns de noites e o interno -dos residentes en Galicia- sitúase nos 3,2 millóns de noites. Deste xeito, o número de noites do turismo nacional increméntase o 3% dos residentes en Galicia, o 1,5% dos procedentes doutras autonomías e o 1,9% do mercado internacional con respecto aos valores de 2024.
O INE tamén fixo públicos os datos de ocupación do pasado mes de decembro. En concreto, 319.023 viaxeiros aloxáronse en establecementos hoteleiros e extrahoteleiros da comunidade, isto é un 4,2% máis que en decembro de 2024. O número de noites foi de 578.191, que se traduce nunha suba do 5%.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
