lunes, 7 de septiembre de 2026
En outubro, os ingresos foron de máis de 41M, un 3% máis que en 2024 e tamén destaca a positiva evolución dos ingresos hoteleiros en meses como abril, cando o sector hoteleiro galego ingresou máis de 31M só nese mes, o que supuxo un incremento de máis do 15% polo efecto da Semana Santa.
A situación económica foi tamén especialmente positiva durante o verán, cunha facturación de mais de 63 millóns de euros no mes de xullo nos hoteis e pensións galegos, o que supuxo un incremento de preto do 10% con respecto ao mes de xullo do año anterior. Os ingresos hoteleiros ascenderon a máis de 84M no mes de agosto, o que é un incremento de máis do 4% con respecto a 2024.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
