domingo, 1 de noviembre de 2026
A estatística publicada hoxe polo IGE tamén revela que seis das sete grandes cidades gañaron poboación no primeiro semestre do 2025. Deste xeito, a que máis aumentou o seu número de habitantes en termos relativos foi a cidade de Ferrol, un 3,09%, sumando 2.005 habitantes máis en seis meses. Mentres tanto, Pontevedra foi a única que rexistrou un descenso, cunha baixada de 75 persoas. Pola súa banda, os concellos de Santiago de Compostela e Lugo superaron os 100.000 habitantes no 1 de xaneiro de 2025 e mantéñense por riba desta cifra no 1 de xullo de 2025.
Ademais, durante o primeiro semestre de 2025 tamén gañaron poboación a metade das comarcas de Galicia. A que máis incrementou o número de habitantes en termos absolutos foi a comarca de Ferrol, que sumou 2.228 persoas máis en seis meses. E a que porcentualmente gañou máis poboación nese mesmo período foi a comarca da Ulloa, cun aumento do 2,42%.
Estes datos estatísticos poñen de manifesto o impacto das políticas da Xunta de Galicia de apoio ás familias galegas, como a gratuidade das escolas infantís, a rede de casas niño no rural, o Bono Concilia Familia ou Tarxeta Benvida.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
