miércoles, 15 de abril de 2026
En ambos casos, os datos reflicten unha dinámica alcista na evolución da inserción laboral dos titulados universitarios a medida que se avanzan os anos tras lograr a titulación, tanto sexa de grao como de mestrado.
Segundo o estudo do IGE, o 70% dos titulados universitarios galegos no curso 2021-2022 está traballando tres anos despois de graduarse mentres que un 25% opta por seguir formándose ou por outras opcións como preparar unhas oposicións ou estar afiliado a unha mutualidade dun colexio profesional. Neste caso, o estudo abrangue as persoas tituladas nas universidades galegas que residen ou traballan en Galicia, para o cal se tivo en conta a alta laboral na Seguridade Social ou na Mutualidade Xeral de Funcionarios Civís (MUFACE).
Formaron parte do estudo un total de 11.242 persoas egresadas no ano 2022 en Galicia e que residen e traballan na comunidade autónoma, a razón de 4.451 titulados da Universidade de Santiago de Compostela (USC), 3.707 da Universidade de Vigo (UVigo) e 3.084 da Universidade da Coruña (UDC).
Os datos obtidos polo IGE constatan unha perspectiva positiva da relación entre os titulados e o mercado laboral a medida que pasan os anos. Así pois, se ao ano de graduarse, o 57,08% está traballando, esta porcentaxe sube ao 70,45% tres anos despois. Pola contra, o número de persoas que continúa estudando tras obter unha titulación descende do 16,46% ao ano de titularse ao 5,9% logo de tres anos. Tamén baixan as persoas que, unha vez tituladas, se atopan noutra situación como preparar unha oposición ou que exercen a súa profesión afiliados a unha mutualidade, que pasa do 22,2% ao 19,57% en tres anos. Pola contra, as persoas en situación de desemprego mantéñense en niveis baixos e estables, cun 4,26% ao ano de titularse e un 4,08% aos tres anos.
Dinámica positiva en todas as áreas de coñecemento
A mellora da inserción laboral dos titulados universitarios co paso do tempo reflíctese en todas as ramas de coñecemento, aínda que a incorporación ao emprego é máis rápida nas áreas de Ciencias da Saúde e Enxeñaría e Arquitectura, mentres nas áreas de Artes e Humanidades e Ciencias Sociais e Xurídicas, destaca unha maior presenza de persoas que continúan estudando.
Así pois, tres anos despois de obter a titulación, a maior proporción de egresados traballando rexístraa a rama de Ciencias de Saúde (81,52%) seguido de Enxeñaría e Arquitectura (81,21%) e Ciencias (70,14%). En Ciencias Sociais e Xurídicas traballan o 66,38% e en Artes e Humanidades o 50,42%. Canto ao tipo de traballo, prima o traballo por conta allea, no 94% dos casos e, deles, preto do 57% faino a través dun contrato de carácter indefinido aos tres anos de titularse.
Por outra parte, o IGE tamén analiza as bases de cotización no período entre un e tres anos tras titularse, onde tamén se reflicte unha evolución positiva nas mesmas. Os titulados en Ciencias da Saúde son o grupo que rexistra unha base de cotización máis alta aos tres anos ao acadar os 2.651,6 (fronte aos 2.281,6 no primeiro ano de egresado). Séguenlle os da área de Enxeñería e Arquitectura, con 2.516,5 de base de cotización (1.982,8 o primeiro ano), Ciencias con 2.002,6 (1.619,5 o primeiro ano), Ciencias Sociais e Xurídicas con 1.908,6 (1.440,6 o primeiro ano) e Artes e Humanidades con 1.826,8 (1.348,5 o primeiro ano).
O xornalista galego de elDiario.es José Precedo, que defendeu o dereito ao segredo xornalístico ante o Tribunal Supremo, é o gañador do XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro 9 de maio na Casa Consistorial. A sala de prensa do Concello de Pontevedra acolleu o anuncio da candidatura gañadora da vixésimo primeira edición do Premio Xornalistas de Liberdade de Prensa, organizado polo Colexio Profesional de Xornalistas de Galicia coa colaboración do Concello de Pontevedra. O acto contou coa presenza do alcalde Miguel Anxo Fernández Lores, a decana do Colexio Belén Leal e o secretario do premio Darío Janeiro.
Esta edición do Encontro de Artes Novas contará coa participación de talentos recoñecidos como a escritora, comisaria e podcaster Sonia Fernández Pan, que realiza desde 2021 a serie de podcasts The Tale and The Tongue co Instituto de Arte, Xénero e Natureza da Escola Superior de Deseño e Arte de Basilea. Ou a dupla artística Clo-Plas, unha proposta sonora única e radical da poeta e xornalista Xiana Arias e o artista e investigador Berio Molina, que fusionan versos e electro-pop minimalista coa oralidade popular da Fonsagrada. O programa inclúe tamén cunha conversa co profesor e investigador en Filosofía da Tecnoloxía, Pablo Sanguinetti, autor do libro Tecnohumanismo. Por un diseño narrativo y estético de la inteligencia artificial e de numerosos artigos académicos e divulgativos sobre a intersección entre tecnoloxía, humanidades e creatividade.
